د مشرانو جرګې غړو د وسلوالو مخالفينو له خوا د نورستان د برګ مټال ولسوالۍ نيول د اندېښنه وړ وباله او پريكړه يې وكړه، چې د دې پېښې د عواملو په اړه د معلوماتو وركولو لپاره به د دفاع او كورنيو چارو وزيران خپلې عمومي غونډې ته ور وبولي.
د مشرانو جرګې د يكشنبې د ورځې په غونډه كې د نورستان په امنيتي وضعيت بحث وشو او د دغه ولايت سناتوران هم په دې اړه خپلې اندېښنې څرګندې كړې.
د مشرانو جرګې لومړي مرستيال فضل هادي مسلميار وويل، چې د دفاع او كورنيو چارو له وزيرانو سره به نه يوازې د نورستان بلكې د نورو ولايتونو د امنيتي وضعيت په اړه هم خبرې وشي:
(د دفاع او كورنيو چارو وزيرانو مو، چې را وغوښتل او مجلس په دې اړه پريكړه وكړه، بيا به د هر ولايت سناتور ورسره د خپل ولايت د امنيتي ستونزو په اړه جدي بحث وكړي، بيا به اداري هيئت په ځانګړې توګه جناب مجدديي صيب د دې غونډې د نتايجو جاج واخلي، چې څه نتايج به ولري.)
تراوسه معلومه نه ده، چې مشرانو جرګه به كله د دفاع او كورنيو چارو وزيران خپلې غونډې ته ور بولي.
په مشرانو جرګې كې د نورستان ولايت استازي برګ مټال ولسوالۍ نه يوازې د نورستان بلكې د ګاونډېو ولايتونو د امنيت لپاره هم مهمه سيمه بولي.
د مشرانو جرګې يوه غړي ډاكتر نورستاني وويل، وسلوال مخالفين د برګ مټال ولسوالۍ له لارې ان شمالي ولايتونو ته لاره پيدا كولاى شي:
(د برګ مټال ولسوالۍ سقوط يوازې د نورستان ولايت ته زيان نه رسوي، په ټولو سيمو چې د نورستان ولايت په شاوخوا كې دي، مستقيم تاثير به پرې ولري، د بدخشان، پنجشير، لغمان او كنړ ولايتونو په امنيت به منفي اغيز وكړي، دا به شمال ته د طالبانو د تګ يوه لاره وي.)
وسلوالو طالبانو له څو ورځو جګړې وروسته د شنبې په سهار د برګ مټال ولسوالۍ ونيوله.
ځينې سناتوران وايي، د دې ولسوالۍ د سقوط اساسي سبب دا و چې دولت په څو ورځو كې ونه توانيده چې سيمې ته اكمالات او اضافي ځواك وليږي.
بل خوا د افغانستان د كورنيو چارو وزارت ويلي، چې امنيتي ځواكونه له سيمې څخه په تكتيكي ډول په شا شوي دي، چې ملكي خلكو ته زيان ونه رسيږي.
د مشرانو جرګې د يكشنبې د ورځې په غونډه كې د نورستان په امنيتي وضعيت بحث وشو او د دغه ولايت سناتوران هم په دې اړه خپلې اندېښنې څرګندې كړې.
د مشرانو جرګې لومړي مرستيال فضل هادي مسلميار وويل، چې د دفاع او كورنيو چارو له وزيرانو سره به نه يوازې د نورستان بلكې د نورو ولايتونو د امنيتي وضعيت په اړه هم خبرې وشي:
(د دفاع او كورنيو چارو وزيرانو مو، چې را وغوښتل او مجلس په دې اړه پريكړه وكړه، بيا به د هر ولايت سناتور ورسره د خپل ولايت د امنيتي ستونزو په اړه جدي بحث وكړي، بيا به اداري هيئت په ځانګړې توګه جناب مجدديي صيب د دې غونډې د نتايجو جاج واخلي، چې څه نتايج به ولري.)
تراوسه معلومه نه ده، چې مشرانو جرګه به كله د دفاع او كورنيو چارو وزيران خپلې غونډې ته ور بولي.
په مشرانو جرګې كې د نورستان ولايت استازي برګ مټال ولسوالۍ نه يوازې د نورستان بلكې د ګاونډېو ولايتونو د امنيت لپاره هم مهمه سيمه بولي.
د مشرانو جرګې يوه غړي ډاكتر نورستاني وويل، وسلوال مخالفين د برګ مټال ولسوالۍ له لارې ان شمالي ولايتونو ته لاره پيدا كولاى شي:
(د برګ مټال ولسوالۍ سقوط يوازې د نورستان ولايت ته زيان نه رسوي، په ټولو سيمو چې د نورستان ولايت په شاوخوا كې دي، مستقيم تاثير به پرې ولري، د بدخشان، پنجشير، لغمان او كنړ ولايتونو په امنيت به منفي اغيز وكړي، دا به شمال ته د طالبانو د تګ يوه لاره وي.)
وسلوالو طالبانو له څو ورځو جګړې وروسته د شنبې په سهار د برګ مټال ولسوالۍ ونيوله.
ځينې سناتوران وايي، د دې ولسوالۍ د سقوط اساسي سبب دا و چې دولت په څو ورځو كې ونه توانيده چې سيمې ته اكمالات او اضافي ځواك وليږي.
بل خوا د افغانستان د كورنيو چارو وزارت ويلي، چې امنيتي ځواكونه له سيمې څخه په تكتيكي ډول په شا شوي دي، چې ملكي خلكو ته زيان ونه رسيږي.