خبرونه
د افغانستان د انتقالي دولت مشر نن په ټينګار سره وويل چې دى به په راتلونکو انتخاباتو کې ځان کانديد کړي٠ يوي فرانسوى محکمې دوه فرانسوي ژورناليستان په شپږو مياشتو بند محکوم کري دي٠ د اندونيزيا په يوه ټاپو کې هغو افغان پناه وړونکو چې د اعتراض په توګه يي د خوړو لاس اخيستى ژمنه وکړه چې دوى به خپل اعتراض ته دوام ورکړي٠
د ورځې تازه خبرونه دلته ولولئ
نن ازبکستان کې د مرکزي اسيا د واليبال د اتلولۍ سيالۍ پيليږي
په ازبکستان کې د مرکزي اسیا د والیبال د اتلولۍ سیالۍ چې افغانستان هم پهکې ګډون لري نن جمعه پیلېږي.
د افغانستان د والیبال ملي لوبډلې چې یوه میاشت یې تمرینات کړي وو، پرون ازبکستان ته لاړه.
په دغو سیالیو کې د افغانستان تر څنګ کوبه هېواد ازبکستان، ترکمنستان، قرغزستان، نیپال، مالیف، سریلانکا، بنګلهدېش او بوتان برخه لري.
د ازبکستان په تاشکند کې دا مسابقې د اکتوبر میاشتې تر ۲۵مې نېټې دوام کوي.
د نایجریا په شمال کې د تېلو ټانکر د چاودنې په نتیجه کې د مړو شمېر ۱۵۳ ته زیات شو
پولیسو پرون ویلي، په پېښه کې شاوخوا ۱۰۰ کسان چې ماشومان هم پهکې شامل دي، ټپیان شوي دي.
د پولیسو ویاند لاوان شیسو اډم ویلي، دغه چاودنه د چهارشنبې په ورځ په ماجیه ښارګوټي کې شوې او د ځینو ټپیانو وضعیت خراب دی.
راپورونه وايي، د ټانکر چلوونکي پر موټر کنټرول له لاسه ورکړی او ټرافیکي پېښه شوې ده.
ویل شوي، له خبرداریو سره-سره ځايي اوسېدونکي د پېښې په ساحه کې راټول شوي وو او هڅه یې کوله له ټانکر بهېدونکي پټرول ټول کړي.
د چهارشنبې په ورځ د پېښې په لومړیو کې د مړو شمېر ۱۴۰ ښوول شوی و.
عراقچي له مصري چارواکو سره سيمه کې د کړکېچ د زياتېدو پر مسئله خبرې کړي
د ایران د بهرنیو چارو وزیر له مصري چارواکو سره پرون په سیمه کې د کړکېچ د زیاتېدو پر مسئله خبرې وکړې.
دا له کله چې عباس عراقچي د ایران د بهرنیو چارو وزیر په توګه ټاکل شوی، دا یې قاهرې ته لومړی رسمي سفر و.
عراقچي پرون له خپل مصري سیال بدر عبدالعاطي، د مصر له ولسمشر عبدالفتاح السیسي سره د غزې او لبنان په وړاندې د اسرايیل د زیاتېدونکې شخړې د کمولو پر مسئله تمرکز وکړ.
د مصر ولسمشر په غزه کې د اسرايیل د جګړې د ختمولو غوښتنه وکړه، چې په یوه سیمهییزه شخړه بدله نهشي.
السیسي په لبنان کې هم د زیاتېدونکې شخړې د مخنیوي غوښتنه وکړه او په لوېدیځه غاړه کې یې د سرغړونو د پای رسېدو غږ هم وکړ.
د ایران د بهرنیو چارو وزیر روانه میاشت د سوریې، لبنان، قطر، عمان او عراق له چارواکو سره هم کتلي او تمه کېږي تر مصر وروسته ترکیې ته لاړ شي.
ډبيلوايفپي: تېره مياشت د چين په مالي همکارۍ له ۲۵۰زره ډېرو کسانو سره مرسته شوې
د ملګروملتونو د خوړو نړيوال پروګرام وايي، تېره میاشت یې د چین په مالي مرسته افغانستان کې څه باندې ۲۵۰زره اړو کسانو ته د خوړو مرستې برابرې کړې دي.
دغې ادارې پرون پنجشنبه په یوه راپور کې د چین د دې مالي مرستې مننه کړې او ویلي یې دي، دا مرسته پهداسې حال کې شوې چې دغه پروګرام په افغانستان کې د بوديجې له کمښت سره مخ دی.
په کابل کې د چین د سفارت د اقتصادي او تجارتي چارو سلاکار ما چن ګوانګ پهدې اړه کابل کې یوې غونډې ته ویلي، چین به د خوړو له نړیوال پروګرام سره خپلو مرستو ته دوام ورکړي، څو له هغو افغان کورنیو سره د خوراکي توکو مرستې وشي، چې د ژوندي پاتې کېدو لپاره لاسنیوي ته اړتیا لري.
د خوړو نړیوال پروګرام وايي، د بوديجې د کموالي له کبله تېر کال دوی له لسو ميلیونو خلکو سره مرستې کمې کړي او سږ اوړی، د تمویل د روان بحران له امله، ۱۱ ميلیون خلکو بېړنۍ خوراکي مرستې نهدي ترلاسه کړي.
د دغه پروګرام په وینا پهدې کې دوو ميلیونو څخه ډېرې مېندې او د دوی ماشومان شامل دي چې، له خوارځواکۍ سره د مبارزې لپاره یې ځانګړي اضافي خواړه نهدي ترلاسه کړي.
د سره صليب يوه مشره: ناچاوده مهمات لا هم افغانستان کې د خلکو لپاره يو ګواښ دی
د سره صلیب یوه مشره وايي، ځمکني ماینونه او ناچاوده مهمات لا هم په افغانستان کې د خلکو، په ځانګړي ډول د ماشومانو لپاره یو دوامداره ګواښ دی.
په افغانستان کې د سره صلیب نړیوالې کمېټې د استازولۍ مشرې کاټرینا ریتځ (Katharina Ritz) پرون پر خپله ایکسپاڼه دا معلومات خپاره کړي.
هغې د نازیې په نوم د یوې کوچنۍ افغانې نجلۍ عکس هم خپور کړی، چې تازه مصنوعي پښه ورته لګول شوې ده.
مېرمن ریتځ لیکلي، نازیې د یوه ماین په چاودنه کې یوه پښه له لاسه ورکړې او په وروستیو کې د سره صلیب د فزیکي توانمندۍ په یوه مرکز کې ورته مصنوعي پښه لګول شوې ده.
د ملګروملتونو د بشري چارو د همغږۍ ادارې یا اوچا په زمري/ اسد میاشت کې ویلي وو، په افغانستان کې نږدې درې نیم ميلیونه وګړي د ماینونو او د جګړې د پاتې شویو ناچاودنه مهماتو له امله د زیانمنېدو له دوامداره ګواښ سره مخامخ دي.
د طالبانو حکومت د ايران په پوله د وژل شويو افغان وګړو د پېښې څېړنې ته پلاوی ټاکلی
د طالبانو حکومت وايي، د ایران او پاکستان پر پوله د افغانانو د مرګژوبلې د راپورونو د څېړلو لپاره يې یو لوړ پوړی پلاوی ټاکلی دی.
د طالبانو د حکومت د ویاند دفتر لهخوا په هغه اعلامیه کې چې نن (د اکټوبر ۱۷مه) خپره شوې راغلي، دغه پلاوی تېره شپه د ریاست الوزرای لهخوا د کورنیو چارو وزارت د امنیتي مرستیال ملا محمد ابراهیم صدر په مشرۍ چې پهکې د دفاع، بهرنیو چارو وزارت، سرحدنو او د استخباراتو د عمومي ریاست استازي برخه لري، جوړ او ورته دنده سپارل شوې، چې موضوع وڅېړي او راپور يې د طالبانو ریاست الوزرا ته وړاندې کړي.
د ایران د بشري حقونو د حال وش په نوم د سازمان د راپور پر بنسټ، د یکشنبې په شپه شاوخوا ۳۰۰ افغانانو چې غوښتل یې د سیستان او بلوچستان ولایت له لارې ایران ته ننوځي د ایران د سرحدي ځواکونو لهخوا د کالګان سراوان په سیمه کې پرې ډزې وشوې.
د دې پېښې د مرګژوبلې په اړه ضد او نقیض راپورونه شته او خپلواکو سرچینو یې کره شمېر نهدی وړاندې کړې.
ازادي راډيو په خپلواکه توګه د تلفاتو شمېر او د پېښې څرنګوالی تاییدولی نهشي، ځکه پېښه په يوه لرې پرته سيمه کې شوې او رسنۍ ورته لاسرسى نهلري.
د افغانستان د والیبال ملي لوبډله د اسیایي هېوادونو په سیالیو کې د ګډون لپاره ازبکستان ته لاړه
د افغانستان د والیبال ملي لوبډله د اسیایي هېوادونو په سیالیو کې د ګډون په موخه ازبکستان ته ولاړه.
د والیبال فدراسیون چارواکي وايي چې د والیبال ملي لوبډلې لوبغاړي نن پنجشنبه له کابله د تاشکند په لور روان شول.
د منځنۍ اسيا دا سيالۍ د روانې مياشتې له ١٨مې نېټې څخه تر ٢٥مې نېټې پورې د افغانستان، ترکمنستان، قرغزستان، نيپال، مالديف، سريلانکا، بنګلهدېش او بوتان د واليبال د ملي ټيمونو په ګډون د ازبکستان په کوربه توب پيلېږي.
تر دې وړاندې د افغانستان د والیبال ملي لوبډلي په وروستۍ نړیواله درجه بندۍ کې ۶۱ او په اسیا کې ۱۵م مقام خپل کړی و.
اسراییلو د حزبالله پر مرکزونو بریدونه کړي
د لبنان په جنوب کې د اسرايیلو لهخوا د لبنان په جنوب کې د سې شنبې په ورځ د اکټوبر ۱۷مه د حزبالله پر مرکزونو بریدونه شوي.
د اسراییلو په دغه بریدونو کې ډېر شمېر ودانۍ ویجاړې شوي او د یوه لبناني ښار ښاروال هم وژل شوی دي.
امریکا، د ایران له ملاتړه برخمن حزبالله ډله د یوه ترهګریز سازمان په توګه پېژني او اروپايي ټولنې د دې ډلې یوازې پوځي څانګه په تور لېست کې اچولې ده.
حزبالله د لبنان د جنوب کې ډېری برخې په واک کې لري او د لبنان په پارلمان کې یې د سیاسي څانګې استازي شتون لري.
هاریس په یوه مرکه کې د ایران پر مسئله تند بحث کړی
د امریکا د ولسمشر مرستیاله او د راتلونکې میاشتې په ولسمشریزو ټاکنو کې د ډیموکرات ګوند کاندیده کاملا هاریس چې له پخواني ولسمشر او د جمهوري غوښتونکي ګوند له نوماند ډونالډ ټرمپ سره سیالي کوي، د چهارشنبې په ورځ د اکټوبر۱۶مه د فاکس نیوز شبکې له یوه ویاند سره په یوه مرکه کې د ایران په مسئله تند بحث وکړ.
د ښي اړخي فاکس نیوز کوربه بریټ بایر له هاریس سره د مختلفو موضوعاتو په اړه لکه د غیرقانوني کډوالۍ، د بایډن ذهني سلامتي او د هغه پالیسۍ په هکله چې څنګه به د اوسنۍ ادارې سره چې دا یې یوه برخه ده توپیر ولري بحث وکړ.
د دې مرکې تر ټولو تند بحث چې د ایران په هکله هغه مهال رامنځته شو چې دوی د بهرنۍ پالیسۍ په اړه خبرې کولې.
بحث هغه وخت تند شو کله چې بریټ بایر د ایران په اړه د کاملا هاریس ته په یو پوښتنه کې وویل چې تهران د لګول شویو بندیزونو په لرې کېدو سره په ځانګړې توګه د تېلو د خرڅلاو له لارې په میلیاردونو ډالر ګټلی شي.
کامله هاریس په دې اړه مستقیم ځواب ورنهکړ او پر ځای یې د ایران او نړۍ د قدرتونو ترمنځ د ۲۰۱۵م کال له تړون څخه د امریکا د وتلو په اړه د ټرمپ پر پرېکړې تمرکز وکړ.
افغان ابدالیان سبا له سریلانکا سره سیالي کوي
د افغانستان کرکټ بورډ وايي چې د افغان ابدالیانو په نوم الف لوبډله یې سبا جمعه د اکټوبر په ۱۸مه نېټه د اسیا ایمرجینګ جام په سیالیو کې خپله لومړۍ لوبه له سریلانکا سره ترسره کوي.
د بورډ په خبر کې راغلي چې سیالي به د کابل پر وخت ماښام ۶:۰۰ بجې پیل شي.
افغان لوبډله چې په اې ګروپ کې قرار لري دوهمه سیالي یې د اکټوبر په ۲۰مه نېټه له بنګلهدېش او وروستۍ یې په ۲۲مه نېټه له هانګ کانګ سره ده.
افغان کرکټ بورډ د یادو سیالیو لپاره د دروېش رسولي په لوبډلمشرۍ ۱۵ کسیزه لوبډله ټاکلې ده چې له وړاندې یې په عمان کې دوه تمریناتي سیالۍ ترسره کړې او له عمان او هانګ کانګ سره یې په درې اړخیزو سیالیو کې اتلولي هم وګټله.
د ویلو ده چې یادې سیالۍ شل اوریزې دي او پر افغانستان سربېره په کې ۷ نور اسیايي هېوادونه هم ګډون لري او د اکټوبر په ۲۷مه نېټه به یې پایلوبه وي.