د کرملین ماڼۍ وايي چې د ایران ولسمشر به د روسیې د رسمي سفر په ترڅ کې د مسکو او تهران د "هراړخیزې ستراتیژیکې همکارۍ تړون" لاسلیک کړي.

کرملین د دوشنبې په ورځ (د جدي ۲۴) په یوه خبرپاڼه کې وویل چې د ایران ولسمشر به د راروانې جمعې په ورځ (د جدي په ۲۸) په کرملین کې د روسیې له ولسمشر ولادیمیر پوتین سره وویني.

دواړه ولسمشران به د دې تړون د لاسلیک تر څنګ د دوه اړخیزو همکاریو د لا پراختیا لپاره د سوداګرۍ او پانګونې، ترانسپورت، لوژستیک، او بشري برخو په شمول پر مهمو سیمه‌ییزو او نړیوالو موضوعاتو هم خبرې وکړي.

د ایران د بهرنیو چارو وزارت ویاند اسماعیل بقایي د دوشنبې په ورځ په یوه خبري ناسته کې بې له دې چې د ایران او روسیې ترمنځ د ستراتیژیکې همکارۍ تړون د لاسلیک نېټه څرګنده کړي، وویل چې د دې تړون د چمتو کولو بهیر شاوخوا دوه نیم کاله وخت ونیوه.

د فوټسال پلانټ ویب سایټ د دوشنبې په ورځ د جنورۍ په ۱۳مه نېټه په تېر ۲۰۲۴ ز کال کې د فوټسال د غوره لوبغاړي جایزې ته د نوماندو لوبغاړو نوملړ خپور کړی دی چې افغان لوبغاړی مهران غلامي هم پکې شامل دی.

د افغانستان د فوټسال ملي لوبډلې په لومړي ځل په ۲۰۲۴ زیږدیز کال د فوټسال په نړیوال جام کې چې په ازبکستان کې ترسره شوی و، ګډون کړی و او په یادو سیالیو کې مهران غلامي ښې لوبې کړې وې.

اتلس کلن غلامي له خپلې لوبډلې سره په ۲۰۲۳ ز کال د فوټسال نړیوال جام د لارموندنې پړاو په سیالیو کې هم ګډون درلود چې نړیوال جام ته یې لار پیدا کړه.

همدارنګه په ۲۰۲۴ ز کال د افغانستان فوټسال ملي لوبډلې د اسیا جام په سیالیو کې پینځم مقام ګټلی و.

که څه هم ښاغلي غلامي د تېر فوټسال په نړیوال جام کې یوازې یو ګول وهلی و، خو هغه لومړنی افغان دی چې د فوټسال

د پاکستان د بهرنیو چارو وزارت وايي د دغه وزارت مرستیالې امنې بلوچ د افغانستان لپاره د ملګرو ملتونو له ځانګړې استازې روزا اوتنبایووا سره په اسلام اباد کې «په اسلامي ټولنو کې د نجونو د تعلیم په وړاندې د پرتو ستونزو» په نوم کنفرانس په څنډه کې کتلي دي.

دغه وزارت نن دوشنبه پر خپله ایکسپاڼه (پخواني ټویټر) لیکلي، چې د دواړو لوریو په افغانستان کې د روانو تحولاتو په اړه هم نظرونه تبادله کړل. د پاکستان په کوربه توب په اسلام اباد کې دغه کنفرانس تېره شنبه او یکشنبه جوړ شوی و.

د پاکستان د پوهنې وزیر ویلي وو، چې طالبانو ته هم په دې کنفرانس کې د ګډون بلنه ورکړل شوې وه، خو طالبانو چې په افغانستان کې د نجونو او ښځو پر زده کړو بندیز لګولی، په دې کنفرانس کې ګډون ونه کړ.

په دغه کنفرانس کې د بېلابېلو هېوادونو او نړیوالو بنسټونو تر ۱۵۰ زیاتو استازو ګډون کړی و، چې د نجونو پر تعلیم یې ټینګار وکړ. د کنفرانس په پای کې په خپره شوې اعلامیه کې راغلي، چې د نجونو تعلیم نه یوازې یوه دیني وجیبه ده، بلکې د ټولنې یوه مهمه اړتیا هم ده.

د ایران د انتظامي ځواکونو عمومي قوماندان احمد رضا رادانپرون یکشنبه ویلي، پر پولو به د بې اسناده کډوالو د داخلېدو د مخنيوي لپاره ټول امکانات وکارول شي.

د ایراني رسنیو د راپورونو له مخې ښاغلي رادان په یوه کنفرانس کې ویلي، د ایران له پولو د بې اسناده کډوالو د مخنیوي لپاره پرمختللي امکانات کارول شوي دي.

تر دې مخکې د ایران چارواکو اعلان کړی و، چې له افغانستان سره پر ۳۰۰ کیلومتره پوله د خنډ جوړولو کار پیل شوی او تر اوسه پر ۷۵ کیلومتره پوله دغه خنډونه جوړ شوي دي.

ایراني چارواکو په زمري/ اسد میاشت کې ویلي وو، چې له افغانستان سره پر پوله د موانع جوړولو کارونه به په درېیو کلونو کې بشپړ شي او دا کار له افغانستان سره په تفاهم کېږي.

ایران په وروستیو کې د بې اسناده افغان کډوالو ډله ییز اخراج چټک کړی دی.

ایراني چارواکو ټینګار کړی چې غواړي څه باندې دوه ملیونه افغان کډوال د روان لمریز کال تر پایه له ایران څخه وباسي.

دوی په دې پېښه کې چارواکي په ناغېړۍ تورنوي.

دا لاریون د بلګراد دولتي پوهنتون د محصلانو له خوا تنظیم شوی و او برخوالو غوښتنه کوله چې د پېښې عاملین باید عدالت ته راکش کړای شي. دوی د پرمختګ په نوم د سربیا واکمن ګوند، چې مشري یې ولسمشر الکساندر ووچیچ کوي، په فساد او خپلوۍ پالنه تورنوي؛ هغه تور چې دغه ګوند یې ردوي.

د ۲۰۲۳م کال د نومبر میاشتې پر لومړۍ نېټه د «نوی ساد» تمځای نوی ترمیم شوی کانکرېټي چت د نړېدو له امله څوارلس کسان مړه شول او درې نور ټپیان شول. یوه ټپي وروسته ساه ورکړه.

په سعودي عربستان کې تېره شپه د هسپانیا د سوپرکپ په پایلوبه کې بارسلونا او ریال ماډریډ له یو بل سره مخامخ شول.

کیلیان ایمباپې د ریال ماډریډ لپاره لومړی ګول په پنځمه دقیقه کې وواهه او د بارسلونا لومړی ګول د بارسلونا ځوان ستوري لامین یامال په ۲۲مه دقیقه کې وواهه.

دغه وزارت په یوه بیان کې ویلي چې ښاغلي متقي پرون یکشنبه د غونډې په جریان کې د سعودي له حکومته وغوښتل چې په هغه هېواد کې مېشتو افغانانو ته د قونسلي خدماتو په برابرولو کې همکاري وکړي.

د بیان په یوه برخه کې د سعودي د سفیر په وینا راغلي چې ویلي یې دي، هېواد یې غواړي په بېلابېلو برخو کې له افغانانو سره مرسته وکړي. په دې باب نور جزئیات نه دي ورکړل شوي او د سعودي سفارت هم د دې غونډې په اړه تبصره نه ده کړې.

سعودي عربستان د مرغومي/ جدي پر دویمه نېټه په افغانستان کې خپل سفارت بیا پرانیست. پر افغانستان د طالبانو له بیا واکمنېدو وروسته هېڅ هیواد د دې ډلې لنډمهاله حکومت په رسمیت نه دی پېژندلی.

سعودي عربستان یو له هغو درېیو هېوادونو و چې په ۱۹۹۰ یمه لسیزه کې یې د طالبانو لومړی حاکمیت په رسمیت پېژندلی و. نور دوه هېوادونه متحده عرب امارات او پاکستان وو.

د فرانسپرس خبري آژانس د راپور له مخې دغو هوایي بریدونو د اسراییل او د ایران ملاتړې حزب الله ډلې ترمنځ نازک اوربند چې د نومبرپه ۲۷ نافذشوی، نور هم ترفشار لاندې راوستی.

د لبنان دولتي خبري اژانس ویلي چې اسراییلي الوتکو د بعلبک په ختیځ کې د جنتا څنډې او همدارنګه په جنوب کې د نبطیه سیمې په نښه کړي خو دایې ندي ویلي چې ایا دغو بمباریو تلفات هم پيښ کړي او کنه؟

د اسراییل پوځ ویلي چې یو شمیر هغه هدفونه یې په نښه کړي چې د اوربند څارونکو ته یې د ګواښ په توګه وړاندې کړي وو.

پوځ په یوه بیان کې وویل چې په نښه شویو هدفونو کې د راکټ لانچر یو ځای، یو پوځي ځای او د سوریې او لبنان د پولې په اوږدو کې هغه لارې شاملې دي چې حزب الله ته د وسلو د قاچاق لپاره ترې کاراخیستل کیږي.

دغه بریدونه داسې مهال شوي چې نژدې دوه اونۍ وروسته د جنوري ۲۶ د شوي لنډ مهاله اوربند د عملي کیدو وروستۍ نیټه ده.

زیلینسکي پرون یکشنبې په ټولنیزو رسنیو کې په یوه بیان کې ویلي چې ده د شمالي کوریا هرهغه سرتیري ته چې که یې نه وي غوښتي چې بیرته خپل استبدادي هیواد ته ستون شي، د ځینو نورو لارو وړاندیز هم کړی.

هغه په دې اړه نورجزیات ندي ورکړي.

د اوکراین د ولسمشر دا څرګندونې په داسې حال کې کوي چې جنوبي کوریا وویل چې کیف د شمالي کوریا دوه سرتیري نیولي او په دې توګه یې د زیلینسکي د تیرې ورځې څرګندونې تایید کړې چې د دغو بندیانو د نیولو په اړه یې کړې وې. پیونګ یانګ او مسکو تراوسه د دغو راپورونوپه اړه تبصرې ندي کړې.

د سپینې ماڼۍ له خوا په یوه خپره شوې اعلامیه کې ویل شوي چې بایډن بیرته خپلو کورونو ته د دغو امریکایانو چې په وینا یې په ناحقه نیول شوي، د ستنولو لپاره پرخپلې ژمنې ټینګاروکړ. رویترز خبري آژانس د یوشمیرسرچینو له قوله ویلي چې د بایډن ادارې لږترلږه د تیرکال د جولای له میاشتې راهیسې له طالبانو سره د متحدو ایالتونو پرهغه وړاندېز خبرې پیل کړي چې له مخې یې باید درې واړه امریکایان رایان کوربیټ، جیورج ګایمن او محمود حبیبي د امریکا په ګوانتینامو زندان کې د محمد رحیم الافغاني د خوشې کیدو په بدل کې خوشې شي.

په خبرپاڼه کې په دې اړه چې د دغو امریکایانو د خوشې کیدو په اړه خبروکې څومره پرمختګ شوی، څه ندي ویل شوي خو زیاته شوې چې ولسمشر بایډن او د هغه ټیم د هغو امریکایانو د خوشې کولو لپاره چې په بهرکې یرغمل شوي یا په غیر عادلانه ډول توقیف شوي، شپه او ورځ، ډیری وختونه د مهمو متحدینو په ملګرتیا کار کړی، ترڅو دوی له خپلو کورنیو سره یوځای شي او نوموړی به د خپلې پاتې دورې په اوږدو کې هم دې کار ته دوام ورکړي.

د بایډن د ولسمشرۍ دوره اوه ورځې وروسته د جنوري په شلمه پای ته رسیږي.

په عین حال کې د محمود حبیبي ورور احمد حبیبي، چې له بایډن سره په دې ټیلفوني خبرو کې ګډون کړی وو، وویل چې ولسمشر بایډن په ډېر واضح ډول موږ ته وویل چې که طالبان زما ورور نه خوشې کوي نو هغه به رحیم تبادله نکړي. هغه زیاته کړه چې کورنۍ یې له بایډن څخه ډیره مننه کوي چې د ورور لپاره یې ولاړ دی.

د طالبانو حکومت نده تایید کړې چې محمود حبیبي ورسره بندي دی خو د دوی مرستیال ویاند حمدالله فطرت تیره اونۍ له امریکا سره د نوروبندیانو د تبادلې په اړه د خبرو پخلی وکړ.