راپورونه وايي، د سلواکیا صدراعظم روبرټ فیټسو د ډزو له کبله ټپي او روغتون ته ولېږدول شو. د ټياې۳ تلوېزیون د راپورو له مخې، پېښه شاوخوا ۱۵۰ کیلومتره د پلازمېنې شمال ته په هانډلوا ښار کې شوې ده.
د سلواکیا پر صدراعظم ډزې؛ فیټسو ټپي او روغتون ته ولېږدول شو
د مې په ۱۵مه د سلواکیا په هانډلوا کې په یوه غونډه کې پر صدراعظم روبرټ فیټسو د ډزو په تور یو مشکوک کس نیول شوی او ټپي شوی صدراعظم یوه سیمهییز روغتون ته لېږدول شوی دی.
د سلواک تلوېزیون وايي، ۵۹ کلن فیټسو د فرهنګ کور له ښاره بهر په خېټه څلور ډزه لګېدلی دی.
امنیتي ځواکونه سیمې ته رسېدلي دي.
د ډییننیکاین ورځپاڼې رپورټر د ډزو غږونه اورېدلي او دغه راز یې ژغورونکي لیدلي چې ټپي شوی صدراعظم یې په موټر کې لېږداوه.
یو مشکوک کس په چټکۍ سره نیول شوی دی.
د سلواکیا د پارلمان مرستیال لوبوس بلاها پېښه تایید کړې ده.
ولسمشر زوزانا کاپوتووا دغه پېښه غندلې او پر صدراعظم فیټسو یې شوی برید وحشیانه وباله.
هغه د صدارعظم د ژر ښه کېدو هیله کړې ده.