د بریتانیا د یورکشایر د وحشي ژوو پارک، چې یو ۲۴ کلن کارکوونکی یې د پړانګ په برید کې وژل شوی و، نن بېرته د لیدونکو پر مخ پرانیستل شو.
د دې پېښې د څېړلو لپاره جوړې شوې محکمې د تلې په ۲۳مه ویلي چې وژل شوي کارکوونکي ویلیم چپمن د رواني ناروغۍ مخینه لرله.
د پارک مسوولانو ویلي چې په پېښه کې ښکېل پړانګ «التای» روغ او خوندي دی. هغوی زیاته کړې چې د پارک له بیا پرانیستل کېدو سره به د «پړانګانو سیمه» هم د لیدونکو پر مخ پرانیستل شي.
چارواکو ویلي چې د پېښې په اړه د پولیسو او د ډانکاسټر ښاروالۍ څېړنې لا هم روانې دي.