د طالبانو مخالفې ډلې، د افغانستان د ازادۍ جبهې ادعا کړې چې د شنبې په ورځ د نورستان ولایت د کامدېش ولسوالۍ کې د دې جبهې او طالبانو ترمنځ نښته شوې ده.
جبهې د شنبې په ورځ، د تلې څلورمه، پر اېکس په یوه اعلامیه کې ویلي چې طالبانو د دې ډلې پر مورچو برید کړی او وروسته نښته رامنځته شوې ده.
تر دې دمه طالبانو د راډیو ازادي د دغو ادعاوو په اړه پوښتنو ته ځواب نه دی ورکړی.
راډیو ازادي نه شي کولای چې دا ادعاوې په خپلواکه توګه تایید کړي.