ایراني سندرغاړې پرستو احمدي د یوه انلاین کنسرت په خاطر په درو وهلو بهر ته له سفر کولو او له هنري فعالیتونو منعه شوي
پرستو احمدي دوه کاله وړاندې د نارینو د موسیقۍ له یوې ډلې سره د "کاروانسری یا فرضی کنسرت" یوه ویډیو چې هغې په کې حجاب نه درلوده خپره کړه.
د ویډيو له خپریدو وروسته د ایران قضاییه قوي دغه سندرغاړې او د موسقیۍ ډله يې مجرمین اعلان کړل.
له اعلان وروسته پرستو احمدي له خپلو دوو همکارانو، پیانو غږونکې احسان بیرقدار او ګتیار غږونکې سهیل فقیي سره یو ځای ونیول شوه چې بیا بیرته خوشي شول.
هغه او همکاران يې په وروستیو کې په ۷۴ درو وهلو محکوم شوي.
همدارنګه پرستو او همکاران يې د دوو کلونو لپاره بهر ته له سفر کولو او هنري فعالیتونو هم منعه شوي.