دلته به په سلهاوو فابریکې جوړې شي او په ملیونو انسانان به مصروف شيمیرویس عزیزي
د طالبانو د حکومت د ریاست الوزرا اقتصادي مرستیال ملا عبدالغنی برادر او دعزیزي ګروپ مشر میرویس عزیزي چهارشبنې د سلواغې په ۲۲ مه کابل کې د لمریزې او دسکرو د ډبرو د برښنا ددغو قراردادونو دلاس لیک په مراسمو کې ګډون وکړ.
میرویس عزیزي په دغو مراسمو کې صنعتي پراختیا او کار موندنې لپاره د ډاډمنې انرژۍ په ضرورت ټینګار وکړ.
" محترم تاجر صاحبان دلته ناست دي او محترم صنعتکاران ، دوی شپږ- اوه زره فابریکې لري ، کابل ، هرات او کندهار، یوځای بل ځای ، خو فابریکه په جنراتور نه چلیږي ، فابریکه څلورویشت ساعته برق غواړي ، افغاني تاجران دومره با ابتکاره خلک دي او دومره هوښیاراو مبتکر خلک دي چې په دې پوه شي چې دلته افغانستان کې برق شته او برق زیات دی ، دلته به په سلهاوو فابریکې جوړې شي او په ملیونو انسانان به مصروف شي."
په دې اړه نور: کابل ښار او دولس ولایتونو ته وارداتي بریښنا قطع شوېبلخوا د برشنا شرکت عمومي رئیس ملاعبدالحق همکار غونډې ته وویل چې دبرښنا د تولید دغه پروژې په کابل ، پروان ، غزني ، بغلان او تخار کې پیلیږي.
" لومړی دکابل ولایت د نغلو په سیمه کې د سل میګاواټه لمریزې برښنا د تولید پروژه ، دوهم د پروان ولایت د باریکاب په سیمه کې دسل میګاواټه دلمریزې برښنا دتولید پروژه ، دریم د غزني ولایت د ۱۳۰ میګاواټه د لمریزې برښنا دتولید پروژه ، څلورم د بغلان ولایت د ۳۵۰ میګاواټه د ډبرو د سکرو دبرښنا دتولید پروژه ، پنځم د تخار ولایت د ۱۶۵ میکاواټه د ډبرو سکرو د برښنا د تولید پروژه."
د برشنا شرکت رئیس زیاته کړه چې ددغو پنځو پروژو ۸۴۵ میګاواټه ظرفیت له ګاونډیو هیوادونو څخه د وارداتي برښنا له کچې سره تقریبا برابر دی.
دوی کولی سي د پرمختللې تکنالوژۍ نه کار واخلي او دومره فلترونه ولري چې دومره ضرر ونه رسیږي محیط تهدیپلوم انجنیر خلیل احمد نادم
بلخوا ښاغلي عزیزي په خپله ایکسپاڼه ولیکل چې دیادو پروژو د طرحې او تدارکاتي چارو کارونه مخکې له مخکې بشپړ شوي دي، او د نننيو قراردادونو په لاسليک سره به د پروژو د جوړولو بهير سمدستي پيل شي.
په دغو پروژو ټولټال ۴۶۳ ملیونه ډالر لګښت راځي او له ۲- ۳ کلونو موده کې به بشپړې شي.
د رپوټونو په اساس افغانستان اوسمهال د خپلې اړتیا اتیاه سلنه برښنا له ګاونډیو هیوادونو لکه تاجیکستان، ازبیکستان، ترکمنستان او ایران څخه ترلاسه کوي چې هغه هم کله ناکله د تخنیکي او طبیعی عواملو له کبله پرې شي او خلک له پرچاویو سرټکوي.
کارپوهان وايي په افغانستان کې برښنا ، دلسګونو کلونو راهیسې تر ډیره د اوبو د بندونو څخه تامینیدله خو اوس دلمریزې او او دسکرو د ډبرو د برښنا پروژې نسبتا په کمه موده کې بشپړیدای شي.
دیپلوم انجنیر خلیل احمد نادم د برښنا دبندونو متخصص وايي د ډبرو د سکرو برښنا چاپیریال ته یوڅه زیان رسوي خو د نوي تنکالوژۍ په کارولو سره دزیان مخه نیول کیدای شي.
" افغانستان خو ډیرې اوبه لري خو خبره داده چې د بندونو جوړول وخت نیسي یعنی ۳-۵ کلونو پورې وخت نیسي چې دبرښنا بند جوړسي ، دعاجل لپاره سولري ( لمریزه ) برښنا ډیره ښه ده او د ډبرو د سکرو، تاسو ګورئ چې تکنالوژي ډیر پرمختګ کړی دی ، دوی کولی سي د پرمختللې تکنالوژۍ نه کار واخلي او دومره فلترونه ولري چې دومره ضرر ونه رسیږي محیط ته. "
عزیزي ګروپ په مجموع کې په افغانستان کې د لس زرو میګاواټو برښنا د تولید ژمنه کړې ده.