جاپاني چارواکو راپور ورکړی چې له ۲۰۰۰ څخه زیات اور وژونکي هڅه کوي چې په دریو لسیزو کې په جاپان کې د ځنګلونو تر ټولو لوی اور مړ کړي.
چارواکو د دوشنبې په ورځ، د کب په ۱۳مه، وویل چې شاوخوا ۵۰۰۰ اوسیدونکو ته د خپلو کورونو د خالي کولو خبرداری ورکړل شوی دی.
د جاپان صدراعظم شینگو ایشیبا په کې پارلمان وویل: "که څه هم د اور لګېدنې کچه ډېره پراخه ده، خو موږ به د خلکو د کورونو د زیانمنېدو د مخنیوي لپاره ټول ممکنه اقدامات وکړو."
د جاپان د اور وژنې او ناورین مدیریت ادارې په وینا، اور، چې د اوفوناتو ښار ته نږدې ولګېد، د پنجشنبې راهیسې شاوخوا ۲۱۰۰ هکتاره (۵۲۰۰ جریبه) ځمکه سوځولې ده.
تیم اطفائیه از ۱۴ منطقه جاپان اکنون در حال مهار آتش هستند.
د جاپان د ۱۴ سیمو څخه د اور وژنې کارکوونکي اوس مهال د اور وژنې په هڅه کې دي.
اټکل کیږي چې د یکشنبې تر ورځې پورې شاوخوا ۸۴ ودانۍ زیانمنې شوې دي، که څه هم تفصيلي ارزونې لاهم روانې دي.
شاوخوا ۲۰۰۰ کسان له سیمې وتلي او ملګرو یا خپلوانو خواته تلي دي ، په داسې حال کې چې له ۱۲۰۰ څخه ډیر خلک خوندي سیمو ته لیږدول شوي دي.
تېره اونۍ د شمالي ایواتي په سیمه کې د اور لګېدو له امله یو کس مړ شو.
دا اورلګېدنه په سیمه کې د بارانونو د بې ساري کمښت او تیر کال د جاپان په تاریخ کې تر ټولو ګرم اوړي وروسته رامنځته شوه.