د ملګرو ملتونو د بشري چارو د همغږۍ دفتر (OCHA) وايي چې روژه داسې وخت راغله چې په افغانستان کې ډیرې کورنۍ د خوراک لپاره څه نه لري.
اوچا د یکشنبې په ورځ، د روژې له رارسېدو سره په یوه وخت کې، په خپل ایکس پاڼه کې لیکلي چې نږدې ۱۵ میلیونه خلک افغانستان کې د خوراکي توکو له سخت کمښت سره مخ دي.
دې ادارې زیاته کړه چې ۳.۱ میلیونه خلک د خوړو د نه خوندیتوب په څلورمه کچه کې دي.
دې ادارې خبرداری ورکړی چې له څه باندې یو میلیارد ډالره اړینې بودیجې څخه دوی یواځې نهه میلیونه او نهه لکه ډالره مرسته ترلاسه کړې ده.
په افغانستان کې ځینو خلکو مخکې له ازادي راډيو سره په خبرو کې اندېښنه ښوولې وه چې د روژې په میاشت کې د خوراکي توکو بیې لوړې شوي.