عظمت الله عمرزی د ۲۰۲۴ کال غوره کرکټر شو

عظمت الله عمرزی

عظمت الله عمرزی

د کرکټ نړیوالې شورا ویلي چې عظمت الله عمرزي ۲۰۲۴ کال په یو ورځنیو نړیوالو لوبو کې په ښي لاس چټک باولنګ کاوه او په غوره توپ وهنې سره یې د افغانستان د ټیم په بریاوو کې د پام وړ رول ادا کړ.

عمرزي په ۲۰۲۴ کال کې په ۱۴ یو ورځنیو نړیوالو لوبو کې ۴۱۷ منډې جوړې کړي او ۱۷ ویکټې یې اخیستي دي.

د عمرزي د بټنګ اورج یا اوسط څه باندې ۵۲ دی او د ویکټو هغه یې بیا څه باندې ۲۰ یاد شوی په دې معنی چې په هره لوبه کې یې په اوسط ډول یواځې ۲۰ منډې ورکړي.

عظمت الله عمرزی د ایرلند په وړاندې

عظمت الله عمرزی د ایرلند په وړاندې

د کرکټ نړیوالې شورا یاده کړې چې عظمت الله عمرزي له ایرلند، جنوبي افریقا، بنګله دیش او زمبابوې سره په لوبو کې د پام وړ لاسته راوړنې درلودې.

د کال غوره کرکټر ته د نړۍ په کچه تر ټولو نامتو او تکړه لوبغاړي کاندیدیږي.
که څه هم د راشدخان په څېر د افغانستان ګڼ نور لوبغاړي هم په نړیواله کچه له پيژندل شویو لوبغاړو دي خو دا لومړی وار دی چې یو افغان لوبغاړی د کال غوره کرکټر یادیږي.