د اوکراین ولسمشر نن د اروپایي اتحادیې او ناټو له مشرانو سره ګوري او خپل "د بریا پلان" تشریح کوي.
د اوکراین ولسمشر ولودمیر زيلينسکي نن (د اکتوبر ۱۷مه) په بروکسل کې د اروپایي اتحادیې او ناټو د غړو هېوادونو له مشرانو سره ملاقات کوي او خپل د "بریا پلان" جزیات به تشریح کړي.
دا پلان د هغو اقداماتو مجموعه ده چې د زيلينسکي په وینا به د جګړې بهیر د اوکراین په ګټه بدل کړي.
"زه فکر کوم چې دا پلان یوازې د هیلو یوه مجموعه ده چې نه به پوره کېږييو اوکرايني وګړی
د ازادي راډیو د اوکرایني څانګې د راپور لهمخې ولودمیر زيلينسکي غواړي خپل لوېدیځ متحدین قانع کړي چې، اوکراین ناټو ته د غړیتوب لپاره راوبولي او د جګړې په ډګر او زیانمنو ښارونو کې د سخت ژمي په درشل کې نورې پوځي مرستې برابرې کړي.
هغه د اروپایي اتحادیې له مشرانو سره د مذاکراتو په درشل کې خبریالانو ته وویل، د هغه پلان د اوکراین پیاوړتیا او د ډیپلوماسۍ لپاره چمتووالی دی.
ولسمشر زيلينسکي پرون (د اکتوبر ۱۶مه) د اوکراین پارلمان کې په وینا کې د پنځه مادهییز"بریا پلان" څخه پرده پورته کړه، چې د هغه په وینا کولی شي "تر راتلونکي کال پورې" جګړې ته د پای ټکی کېږدي.
هغه همدارنګه وویل، دا پلان د اوکراین اصلي لوېدیځو متحدینو لپاره پټې ضمیمې لري.
د زيلينسکي "د بریا پلان" روسیې ته د دې هېواد د قلمرو سپارل رد کړي او غوښتنه یې کړې چې اوکراین دې ناټو پوځي تړون ته راوبلل شي.
د زيلينسکي "د بریا پلان" په اوکراین کې د خلکو ترمنځ بېلابېلې غبرګونونه راپارولي دي.
د اوکراين اوسېدونکي د دې پلان په اړه چې تر اوسه په ډاګه شوی نهدی، پاشلي نظرونه لري.
له میکولایف او اودیسې ښارونو څخه یوشمېر عامو اوکراینانو چې نهغواړي نومونه یې یاد شي، د ازادي راډیو اوکرایني څانګې سره خبرو کې د ياد پلان په اړه پاشلي نظرونه لري.
يو کس ويلي: "ما دا پلان نهدی لیدلی، خو په ټولیزه توګه د بریا پلان په اړه مثبت نظر لرم."
دغه راز يو بل تن وايي: "زه فکر کوم چې دا پلان یوازې د هیلو یوه مجموعه ده چې نه به پوره کېږي، ځکه زموږ لوېدیځ متحدین د جګړې د پای ته رسېدو په اړه بيخي بېل تصور لري او نهغواړي چې ځان د روسیې له جګړې سره په خطر کې واچوي."
ناټو تر اوسه پهدې تړون کې د اوکراین د غړیتوب لپاره کومه مشخصه نېټه نهده وړاندې کړې او د روسیې ولسمشر ولادمیر پوتین، په ناټو کې د اوکراین د غړیتوب نیت پر دې هېواد د روسیې د یرغل له دلایلو څخه یو بللی دی.
په دې اړه نور: زیلینسکي د کییف په ګټه د جګړې د څرنګوالي بدلولو لپاره یو لړ اقدامات په ګوته کړلد ناټو سرمنشي مارک روته، نن خبریالانو ته وویل چې دا سازمان "په اوږدمهال کې" له اوکراین سره ولاړ دی او غواړي چې له مسکو سره د مذاکراتو له پیل مخکې، کیف په یوه قوي موقف کې وي.
د اوکراین ولسمشر ولودمیر زيلينسکي نن (د اکتوبر ۱۷مه) دا هم وویل چې، هغه تېره شپه د امریکا د متحدهایالاتو له ولسمشر جوبایډن سره په یوه ټیلیفوني اړیکه کې یو ځل بیا د جګړې د بریا پلان په اړه خبرې کړې دي.