د کندهار په سپین بولدک کې د طالبانو ولسوال وايي، په دې ولسوالۍ کې د پروني اور په نتیجه کې لږترلږه ۲ زره ۵۰۰ دوکانونه سوځېدلي دي.
د آی پي آی خبري اژانس د راپور له مخې، عبیدالله بشیر د دوکانونو د سوځېدو په نتیحه کې دوکاندارانو ته اوښتی تاوان د میلیونونو ډالرو وباله.
پرون (جمعه) د سپین بولدک ولسوالي په وېش بازار کې اور ولګېد او په څو ساعتونو کې یې د بازار ټول شیان په هیرو بدل کړل.
په دغه بازار کې د موټرو پُرزې، دوهم لاس موټرونه، ټایرونه او نور وسایل په عمده او پرچون ډول پلورل کېدل.
تراوسه پورې د اور لګېدو علت نه دی څرګند شوی.
