د طالبانو سترې محکمې په غزني ولایت کې یوه کس ته د زنا په تور په عام محضر کې د دُرو وهلو خبر ورکړی دی.
دې محکمې په یوه بیان کې ویلي چې په مالستان ولسوالۍ کې دغه کس پرون یکشنبه د ۳۹ دُرو تعزیري سزا تر څنګ په پنځلس کاله بند محکوم شو.
په وروستیو کې د افغانستان په بېلابېلو ولایتونو کې د طالبانو له خوا د ورته سزاګانو د زیاتېدو خبرونه ورکول کېږي.
د طالبانو دغو اقداماتو د بشري حقونو د ګڼو بنسټونو عکس العملونه هم پارولي او دوی له طالبانو غوښتي چې دغه ډول مجازات ختم کړي، ځکه دا ادارې د محاکمو د شفافیت په باب اندېښنې لري او وايي په اکثرو مواردو کې تورن کسان د مدافع وکیل د لرلو له حق هم محروم دي.