په هلمند ولایت کې د هاوان مرمۍ د چاودنې له امله یو ماشوم وژل شوی او بل ټپي دی.
په هلمند کې د طالبانو د والي د رسنیو دفتر په یوه بیان کې ویلي چې پرون (یکشنبه) ماسپښین شاوخوا درې بجې د هاوان مرمۍ هغه مهال وچاودېده چې دوو ماشومانو، چې سره خور او ورور وو، لوبې ورسره کولې.
دوولس کلنې نجلۍ روغتون کې ساه ورکړې او ورور یې تر درملنې لاندې دی.
د افغانستان په بېلابېلو برخو کې له جګړو څخه پاتې شوي ناچاوده توکي کله ناکله ماشومانو ته مرګژوبله رسوي.