اروپايي ټولنه وايي، افغانستان ته یې ۹۸ ټنه درمل او طبي وسایل لېږلي دي.
په افغانستان کې د اروپايي ټولنې شارژدافيرې رافايل يوديس د جون په ۳۰مه په ایکسپاڼه کې لیکلي، دغه مرستې د اروپايي ټولنې د بشري هوايي دهلېز له لارې د يکشنبې په ورځ افغانستان ته ورسېدې.
دا مرستې به د خوارځواکو ماشومانو، په طبیعي پیښو کې د ټپي شویو کسانو او په مرګونو سیلونو کې زیانمن شویو کسانو د درملنې لپاره ولګول شي.
د اروپايي ټولنې د معلوماتو له مخې، دې اتحادیې له ۲۰۲۱ کال راهیسې افغانستان ته ۱۷۵۰ ټنه مرستې په ۳۶ الوتنو کې انتقال کړي دي.