شل اوریز نړیوال جام؛ رحمن الله ګربز او فضل حق فاروقي د دې پړاو مخکښ لوبغاړي شول.
د کرکټ شل اوریز نړیوال جام چې د هندوستان په اتلولۍ سره پای ته ورسېد، د مخکښو لوبغاړو په توګه دوه افغان لوبغاړي رحمن الله ګربز او فضل حق فاروقي پاتې شول.
پیلیز افغان توپوهونکي رحمن الله ګربز په دې ټورنمنټ کې ۸ سیالۍ ترسره کړې او ۲۸۱ منډې وکړې چې تر پایه تر نورو توپوهونکو مخکې و.
دغه راز د توپ اچونکو په ډله کې بیا چټک افغان لوبغاړي فضل حق فاروقي په ۸ سیالیو کې ۱۷ لوبغاړي وسوځول او تر پایه تر نورو توپ اچونکو مخکې و.
د ویلو ده چې افغانستان په نیمه پایلوبه کې سویلي افریقا ته سیالي وبایلله.