امریکایي چارواکو ویلي چې په افغان خاوره د پاکستان د هوایي بریدونو په اړه اندېښنه لري.
د امریکا د بهرنیو چارو وزارت مرستیال ویاند ودانت پتیل په یوه کنفرانس کې پرون وویل چې د پاکستان په هوایي بریدونو کې افغان ملکیانو ته د مرګژوبلې په اوښتو خواشینی دی او په پاکستان غږ کوي چې د ترهګرۍ ضد هڅو کې د ملکیانو خوندیتوب ته پام وکړي.
هغه همداراز د خیبرپښتونخوا د میرعلي د شنبې په برید هم اندېښنه وښوده چې وسله والو اوه پاکستاني عسکر ووژل.
پر افغان خاوره د پاکستان د بریدونو په تړاو پخواني ولسمشر حامدکرزي ویلي چې دا بریدونه په کلکه غندي او د افغانستان په خاوره ښکاره تېری او د نړیوالو قوانینو خلاف عمل دی.
کرزي ټینګار کړی چې پاکستان باید له داسې کړنو لاس واخلي، ځکه د دواړو هېوادونو په زیان تمامیږي.