د طالبانو حکومت د کانونو او پټرولیم وزارت له ترکي سوداګرو غواړي څو په افغانستان کې د کانونو برخه کې پانګونه وکړي.
دغه وزارت په خپل تویټر پاڼه لیکلي، چې د کانونو او پټرولیم سرپرست وزیر شهاب الدین دلاور په کابل کې د ترکیې سفیر جهاد ارګین سره لیدلي.
وزارت وړاندې لیکلي، چې دواړو خواو د ښو اړیکو ترڅنګ په افغانستان کې د کانونو په برخه کې پر پانګونې ټینګار کړی.
د کانونو او پټرولیم وزیر د ترکیې له سفیر څخه په افغانستان کې د کانونو په برخه کې د پانګونې غوښته کړې.
د خبر ځای په حواله د ترکیې سفیر له افغانستان سره د هر ډول همکاریو ډاډ څرګند کړی.
دا لیدنه داسې مهال کېږي، چې له دې وړاندې یو شمېر بهرنیو او افغان پانګه والو په افغانستان کې د ناامنۍ او د پانګونې لپاره د لازمونو فرصتونو په برخه کې د ستونزو یادونه کړې وه.