امریکا او لویدیځو متحدانو یې پرون وویل، د مایکروسافټ ایکسچینج کمپنۍ د برښنا لیکونو پر سېرور د سایبري برید په ګډون د هک کولو په نړیوال کمپاین کې د چین لاس دی.
دوی پر پېکېنګ تور ولګاوه چې د باج اخیستو په هدف په سایبري حملو او نورو سایبري حملو کې یې له هککرانو سره لاس یو کړی دی.
د امریکا د بهرنیو چارو وزیر انتوني بلېنکېن پرون د جولای په نولسمه په یو بیان کې وویل متحدایالات او د نړۍ نور هېوادونه په سایبري فضا کې د غیرمسوولانه، مضر او بې ثباته کوونکي چلند د منظمې لړۍ په خاطر چې د دې هېوادونو ملي امنیت او اقتصاد ته لوی ګواښ پېښوي، د چین د خلکو جمهوریت ګرم ګڼي.
هککرانو د خپلو حملو په لړۍ کې د مایکروسافت سېرورونو له لارې په ټوله نړۍ کې د کمپیوټرونو شبکو ته لاره وموندله او له دوه نیم لکو زیات سېرورونه یې زیانمن کړل.
په تېره مارچ میاشت کې د امریکا د سایبري امنیت کارپوهانو وویل چې په دې حملو کې چینايي هککران لاس لري، خو پېکېنګ دا تورونه رد کړي دي.