« د افغان میرمنو د ملاتړ لپاره باید تر خپله وسه هڅه وکړو.»

امریکایې سناتورې جین شاهین پرون د امریکا د سنا جرګې د بهرنیو اړیکو کمیټې ته وویل چې هرڅه یې په وسه وي باید افغان میرمنو د لاسته راوړنو د خوندیتوب لپاره یې ترسره کړي . هغې همدا راز وویل هغه څه چې امریکا به یې په راتلونکو میاشتو کې ترسره کړي ، په راتلونکو نسلونو کې به د افغان میرمنو لپاره اغیزمنې وي. پدې استماعیه غونډه کې د افغانستان د سولي لپاره د امریکا ځانګړي استازي د سناتورانو پوښتني ځوابولې.