هغو اعتراض کوونکو چې د افغانستان شمال کې له تښتوونکو د یوه ماشومان د خوشې کېدو غوښتنه کوي، نن دوه ساعته د اقینې سوداګریز بندر وتاړه.
د عبدالروف په نوم دا ۹ کلن ماشوم څه باندې څلویښت ورځې وړاندې د مزارشریف له ښاره ناپیژنده وسله والو وتښتاوه چې تراوسه یې برخه لیک معلوم نه دی.
څو سوه اعتراض کوونکو نن فاریاب کې د دغه ماشوم د ژر تر ژره خوشې کېدو غوښتنه وکړه.
د بلخ چارواکو د همدې اوونۍ په پیل کې وویل، د دغه ماشوم ژغورلو ته یې یوه ځانګړې امنیتي ډله ټاکلې ده.