نن په 'ای.پي.اېل' ليګ کې د ممبي انډينز او سنرايزر حيدراباد لوبډلو ترمنځ لوبه ترسره کېږي.
ممبي انډينز، ډهلي او بنګلور هغه لوبډلې دي چې دويم پړاو ته يې لار پيدا کړې، پنجاب، راجستان او چينای بيا هغه لوبډلې دي چې دويم پړاو ته د تلو هېڅ چانس نه لري.
د لومړي پړاو يوه لوبه د ممبي او حيدر اباد ترمنځ پاتې ده،دا لوبه د ممبي لپاره مهمه نه ده ځکه دوی له وړاندې شرایط پوره کړي، خو د حيدراباد لپاره يې ګټل ځکه مهم دي چې په ګټلو سره به يې دويم پړاو او په بايللو سره به يې کورته روانېږي
کلکتې خپله لومړنۍ پړاو لوبې پايته رسولي، په ۱۴ لوبو کې يې ۷ ګټلي او ۷ بايللي،۱۴ نومرې لري
حيدراباد بيا په ۱۳ لوبو کې ۶ لوبې ګټلي او ۷ يې بايللي،۱۲ نومرې لري.
په نيټ رېټ کې حيدراباد کولای شي چې نن ممبي ته په ماتې ورکولو سره مستقيماً څلور غورو ته لار پيدا کړي خو که يې لوبه بايلوده نو کلکته به دويم پړاو ته ځي.