د چک جمهوریت روغتیایي چارواکو ویلي چې د مارچ له میاشتې راهیسې چې د کرونا ویروس په دې هېواد کې خپور شوی، پرون په یوه ورځ کې تر ټولو زیاتې مثبتې پېښې ثبت کړې دي.
په چک جمهوریت کې پرون د سېپټېمبر په ۵مه د کرونا ویروس ۷۹۸ نوې مثبتې پېښې ثبت شوې.
له دې سره، په چک جمهوریت کې د کرونا ویروس مثبتې پېښې ۲۷۲۴۹ ته ورسېدې.
په دې هېواد کې تر اوسه څه باندې ۱۹ زره کسان له کویډ ۱۹ ناروغۍ رغېدلي او د مړو شمېر تر اوسه ۴۲۹ دی.
د چک حکومت ویلي چې سخت منی په مخ کې دی.
د چک حکومت اعلان کړی چې د سېپټېمبر له نهمې په ټولو سرپټو ځایونو کې د ماسک اغوستل هم اجباري دي.