د زابل ولایت پولیسو د څه د پاسه پنځوس کیلوګرامه نشه يي موادو د قاچاقو مخه ونیوله.
د زابل ولایت پولیسو (۱۵) کیلوګرامه هیرویین، (۲۵) کیلوګرامه ښیښه او څه د پاسه (۱۹) لېټره تیزاب نیولي چې د خوراکي شیانو په کڅوړو کې پټ ايښودل شوي وو.
د زابل ولایت امنیه قومندان حکمت الله کوچي رسنيو ته ویلي، په پام کې وه دا نشه يي مواد له زابل ولایت څخه کابل ته قاچاق شي چې په کلات ښار کې د تلاشۍ پر مهال ونیول شول.
د دې موادو د قاچاقو په تور دوه تنه هم نیول شوي دي.