د کرکټ په نړیوال جام کې نن چهارشنبه کوربه انګلستان له نیوزیلنډ سره لوبه کوي.
د دوی لوبه په ځایي وخت په لس نیمو بجو د انګلستان د دور هم په چیستر لوسټریټ سټډیوم کې پيلېږي.
که هر یو لوبه وګټي په سیمي فاینل کې خپل ځای پخوي.
دواړو ټیمونو په نړیوال جام کې پنځه پنځه لوبې ګټلي.
تر دې مخکې پرون د هند د کرکټ ملي ټیم بنګلهدېش ته ماته ورکړه او له اسټرالیا وروسته د دوهم ټیم په توګه نیمه پایلوبې ته ووت.
تمه ده سبا د افغانستان د کرکټ ملي ټیم خپله وروستۍ، نهمه لوبه له وېسټ انډیز سره وکړي.
افغانستان اته پرلهپسې لوبې بایللي او وېسټ اندیز یوازې یوه ګټلې.