د لاسرسي لېنکونه

تازه خبر
پنجشنبه ۲ لړم ۱۳۹۸ کابل ۰۳:۴۷

د ۲۰۱۹ کال د کرکټ نړیوال جام

کوربه انګلستان د کرکټ په نړیوال جام کې د نیوزیلنډ په وړاندې

د انګلستان د کرکټ لوبغاړي

د کرکټ د نړیوال جام وروستۍ لوبه نن د انګلستان او نیوزیلنډ ترمنځ ده.

دا د کرکټ د سږني نړیوال جام اته څلوېښتمه او وروستۍ لوبه ده.

انګلستان د دې لوبې کوربه دی او په نننۍ لوبه کې یې په سلو کې پنځه اویا د بریالیتوب اټکل کېږي.

له دواړو ټیمونو څخه یو هم تر اوسه پورې د کرکټ د نړیوال جام اتلولي نه ده ترلاسه کړې او په دې توګه به د نننۍ لوبې ګټونکی که هر ټیم وي، د لومړي ځل لپاره به د کرکټ د نړیوالو سیالیو د اتلولۍ لقب خپل کړي.

د دواړو ټیمونو ترمنځ لوبه د افغانستان په وخت دوه بجې د لندن د کرکټ په لوبغالي کې ترسره کېږي.

د کرکټ جام دوهمه نيمه پايلوبه د اسټراليا او انګلستان ترمنځ ده

د انګلستان د کرکټ لوبډله

د کرکټ د ٢٠١٩میلادي کال د نړيوال جام دوهمه نيمه پايلوبه يا سيمي فاينل نن د اسټراليا او انګلستان ترمنځ کېږي.

د برمنګهم په لوبغالي کې به دغه مسابقه د افغانستان پر وخت د ماسپښين پر دوو بجو پيل شي.

د دې مسابقې ګټونکى ټيم به پايلوبې يا فاينل مسابقې ته لار پيدا کوي.

په لومړۍ نيمه پايلوبه کې پرون د چهارشنبې په ورځ نيوزلنډ وتوانېد هندوستان ته ماتې ورکړي او پايلوبې ته لار پيدا کړي.

نيوزيلنډ په‌دې مسابقه کې هندوستان ته د ٢٤٠ منډو هدف وټاکه.

ډېرو فکر کاوه چې هندوستان به وکړاى شي، هدف په اسانۍ پوره کړي، خو د نيوزيلنډ بالرانو د لوبې په پيل کې د هندوستان تکړه لوبغاړي وسوځول او مسابقه يې د ځان په ګټه تمامه کړه.

د دغه نړيوال جام پايلوبه را روانه يکشنبه د لندن په لوبغالي کې ترسره کېږي.

د هند او نیوزیلنډ د کرکټ ځنډیدلې نیمه پایلوبه بېرته پیل شوه

د هند د کرکټ لوبډله

د ۲۰۱۹ کرکټ نړیوال جام سیالیو په لړ کې نن د هندوستان او نیوزلنډ تر منځ لومړۍ پایلوبه چې د باران له امله ځنډېدلې وه بیا پیل شوه.

تېره ورځ د دې سیالۍ ټاس نیوزلنډ ګټلی و او په خپله د منډو جوړولو پرېکړه کړې وه.

نیوزلنډ په ټاکلو پنځوس اورونو کې د ۸ لوبغاړو په سوځېدو ۲۴۰ هدف وټاکه.

اوس د یاد هدف په تقیب هندوستان بېټینګ پیل کړی دی، که هره لوبډله دا سیالي وګټي پایلوبې ته لار مومي.

په دوهمه نیمه پایلوبه کې چې سبا به ترسره شي انګلستان او استرلیا لوبډلې د یو بل پر وړاندې د سیالۍ ډګر ته ځي.

د کرکټ نړیوال جام: د هند او نیوزلنډ د ټیمونو ترمنځ نیمه پایلوبه

په انګلستان کې د کرکټ د نړیوال جام نیمه پایلوبه د هند او نیوزلند د ټیمونو ترمنځ روانه ده.

دغه لوبه د انګلستان په مانچسټر کې ترسره کېږي، پچه نیوزیلنډ وګټله او د توپ وهلو پریکړه یې کړې.

نیوزیلنډ په ۳۶ اوور کې د دوو لوبغاړو په سوځیدو ۱۳۳ منډې کړي دي.

هند د ۲۰۱۹ میلادي کال په نړیوال جام کې له نهو لوبو اووه ګټلي او تر اوسه په ګروپي لحاظ لومړی مقام لري.

نیوزیلنډ پنځه لوبې ګټلي او د څلورو غوره ټیمونو وروستی ځای لري.

د ۲۰۱۹ میلادي کال د کرکټ نړیوال جام د انګلستان او ویلز په کوربه‌توب د جون په ۲۹مه پیل شوی او د جولای په ۱۴مه به ختم شي.

افغان ټیم په‌دې جام کې خپلې ټولې نهه واړه لوبې وبایللې او د شنبې په ورځ هېواد ته را ستون شو.

نن هند له نیوزیلنډ سره د کرکټ د نړیوال جام لومړۍ نیمه پایلوبه کوي

د کرکټ لوبغالی

د کرکټ د نړیوال جام لومړۍ نیمه پایلوبه نن د هند او نیوزیلنډ تر منځ کېږي.

هند د ۲۰۱۹ کال په نړیوال جام کې له نهو لوبو اووه ګټلي او تر اوسه په ګروپي لحاظ لومړی مقام لري.

نیوزیلنډ پنځه لوبې ګټلي او د څلورو غوره ټیمونو وروستی ځای لري.

د دوی لوبه به د مانچسټر په ښار کې په ځايي وخت په لس نیمو بجو پيل شي.

سبا یعنې چهارشنبه د کوربه انګلستان او اسټرالیا ټیمونه دوهمه نیمه پایلوبه کوي.

د ۲۰۱۹ کال د کرکټ نړیوال جام د انګلستان او ویلز په کوربه توب د جون په ۲۹مه پیل شوی او د جولای په څوارلسمه به ختم شي.

افغان ټیم په دې جام کې خپلې ټولې نهه واړه لوبې وبایللې او د شنبې په ورځ هېواد ته را ستون شو.

هندوستان سبا له نیوزیلنډ سره د کرکټ نيمه پايلوبه لري

ارشیف، ويرات کوهلي او روهیت شرما

د ٢٠١٩ میلادي کال د کرکټ د نړیوال جام لومړۍ نیمه پایلوبه سبا د هندوستان او نیوزیلنډ ترمنځ کېږي.

هند د ۲۰۱۹ میلادي کال په نړیوال جام کې له نهو لوبو ٧ ګټلي او د درجه‌بندۍ له مخې د جدول په سر کې دى.

نیوزیلنډ پنځه لوبې ګټلي او د څلورو غوره ټیمونو په کتار کې وروستی ځای لري.

لومړۍ نيمه پايلوبه سبا په مانچستر ښار کې د افغانستان پر وخت د ماسپښين پر دوو بجو پيلېږي.

راروانه پنجشنبه د کوربه انګلستان او اسټرالیا ټیمونه دوهمه نیمه پایلوبه کوي.

د نيمه پايلوبو ګټونکى ټيم به پايلوبې يا فاينل مسابقې ته لار پيدا کوي.

د ۲۰۱۹ میلادي کال د کرکټ نړیوال جام د انګلستان او ولز په کوربه‌توب د جون پر ۲۹مه پیل شوی او د جولای په ۱۴مه به ختم شي.

د افغانستان ټیم د ۵۰ اووره مسابقو په دغه جام کې خپلې ټولې نهه واړه لوبې وبایللې او د شنبې په ورځ هېواد ته ورسېد.

د کرکټ جام: هند له سریلانکا او جنوبي افريقا له اسټراليا وګاټه

د کرکټ د ٢٠١٩میلادي کال نړيوال جام د سياليو په لړ کې پرون شنبه دوه مسابقې وشوې.

لومړۍ مسابقه د افغانستان پر وخت د ماسپښين پر دوو بجو د هندوستان او سريلانکا ترمنځ پيل شوه.

لوبه سريلانکا پيل کړه چې د ٧ لوبغاړو په سوځېدو سره يې ٢ سوه څلورشپېته منډې وکړې.

هندوستان د ٢سوه پنځه شپېتو منډو هدف په اسانۍ، د ٣ لوبغاړو په سوځېدو سره پوره کړ.

بله مسابقه پرون شنبه مازيګر د جنوبي افريقا او اسټراليا ترمنځ وشوه چې ډېره په زړه پورې وه.

لوبه جنوبي افريقا پيل کړه چې د ٦ لوبغاړو په سوځېدو سره يې ٣ سوه پنځه ويشت منډې وکړې.

اسټراليا دغه مسابقه د ١٠ منډو په توپير په داسې حال کې وبايلله چې ټول لوبغاړي يې وسوځېدل.

د کرکټ په نړیوال جام کې د ګروپي دور وروستۍ دوه لوبې نن کېږي

د کرکټ لوبغالی

د کرکټ په نړیوال جام کې د ګروپي دور وروستۍ دوه لوبې نن کېږي.

لومړی به هند له سریلانکا سره مخ شي او بیا به استرالیا له جنوبي افریقا سره لوبه کوي.

په نړیوال جام کې پرون پاکستان بنګله دېش ته ماته ورکړې ده، د دوی لوبه د لندن په لارډز لوبغالي کې وشوه.

پاکستان بنګله دېش ته د ۳۱۶ منډو هدف ورکړی و، خو بنګله دیشي لوبغاړو یوازې ۲۲۱ منډې وکړای شوې.

پاکستان که څه هم دا لوبه وګټله، خو ونه توانېد چې په نړیوال جام کې نیمه پایلوبې ته ووځي، ځکه لا هم د څلورو ټیمونو د وروستي ټیم یعنې نیوزیلنډ له امتیازونو شاته و.

په دې ترتیب په استرالیا، هند او انګلستان سربېره نیوزیلنډ هم په نیمه پایلوبو کې چې له دوشنبې پیلېږي، خپل ځای پوخ کړ.

د کرکټ په نړیوال جام کې چې د انګلستان او ویلز په کوربه توب روان دی، یوازې د سر څلور ټیمونه پاتې کېږي او پاتې نور بېرته خپلو هېوادونو ته ستنېږي.

افغانستان دا وار ښه ونه ځلېد او د ګروپي دور ټولې نهه واړه لوبې یې وبایللې.

افغان ټیم بېرته وطن ته پر لار دی.

د کرکټ د ۲۰۱۹ جام سیالیو کې روهیت شرما تر نورو ډېرې منډې کړي

د کرکټ د ۲۰۱۹ نړیوال جام په سیالیو کې تر دې دمه د هندوستان روهیت شرما تر نورو ډېرې منډې کړي دي.

روهیت شرما د ۵۴۴ منډو په کولو سره د جدول د نومرو په سر کې ځای لري.

همدا شان د بنګله دیش شکیب الحسن د ۵۴۲ منډو په کولو دوهم او د استرلیا ډېوېډ وارنر بیا د ۵۱۶ منډو په کولو سره درېیم ځای خپل کړی دی.

د دې ترڅنګ بیا د توپ اچونې په برخه کې د استرلیا تیز توپ اچونکي میچل سټارک د ۲۴ وېکټو په اخېستلو اول، د نوي زیلانډ لوکي فیرګوسن د ۱۷ ویکټو په اخېستلو سره دوهم او د انګلېنډ تېز توپ اچونکي ارچر هم ۱۷ ویکټې اخېستي او درېیم ځای يې خپل کړي دي.

د کرکټ نړیوال جام، انګلستان له نیوزیلنډ سره لوبه کوي

د انګلستان د کرکټ لوبډله

د کرکټ په نړیوال جام کې نن چهارشنبه کوربه انګلستان له نیوزیلنډ سره لوبه کوي.

د دوی لوبه په ځایي وخت په لس نیمو بجو د انګلستان د دور هم په چیستر لوسټریټ سټډیوم کې پيلېږي.

که هر یو لوبه وګټي په سیمي فاینل کې خپل ځای پخوي.

دواړو ټیمونو په نړیوال جام کې پنځه پنځه لوبې ګټلي.

تر دې مخکې پرون د هند د کرکټ ملي ټیم بنګله‌دېش ته ماته ورکړه او له اسټرالیا وروسته د دوهم ټیم په توګه نیمه پایلوبې ته ووت.

تمه ده سبا د افغانستان د کرکټ ملي ټیم خپله وروستۍ، نهمه لوبه له وېسټ انډیز سره وکړي.

افغانستان اته پرله‌پسې لوبې بایللي او وېسټ اندیز یوازې یوه ګټلې.

د کرکټ په نړیوال جام کې کوربه انګلستان هند ته ماتې ورکړه

د هند کرکټ لوبډله

د کرکټ په نړیوال جام کې کوربه انګلستان هند ته ماتې ورکړه او په څلورو مخکښو ټیمونو کې يې ځاى پيدا کړ.

انګلستان په پرونۍ لوبه کې چې په برمنګهم ښار کې وشوه، د هند لپاره د ۳۳۸ منډو هدف ورکړ.

هندي لوبغاړو یوازې ۳۰۶ منډې جوړې کړې او لوبه یې د ۳۱ منډو په توپیر بایلوده.

هند دوه نورې لوبې هم لري چې وکولای شي د څلورو غوره لوبډلو په کتار کې خپل موقف تضمين کړي.

د هند ماتې د پاکستان او بنګله‌دیش ټیمونو د مخکې تګ مخه هم تر یوې اندازې ډب کړې ده، ځکه پاکستان په نهو امتیازونو مخکې څلورم ځای خپل کړی و او اوس له انګلستانه په یوه کم امتیاز پنځم مقام ته ټيټ شو.

تمه ده نن د سریلانکا او ویسټ انډیز ټیمونه په نړیوال جام کې سره مخ شي.

د دوی لوبه د انګلستان د چيستر لي سيتريت په لوبغالي کې د افغانستان پر وخت د ماسپښين پر دوو بجو پيلېږي.

د افغانستان ټیم په نړیوال جام کې اته پرله‌پسې لوبې بایللي او یوه وروستۍ مسابقه یې راتلونکې پنجشنبه له ویسټ انډیز سره پاتې ده.

د کرکټ نړیوال جام: افغانستان خپله اتمه لوبه پاکستان ته بایلوده

حمید حسن

په انګلستان او وېلز کې د کرکټ د نړیوال جام سیالیو په ترڅ کې افغانستان پرون خپله اتمه لوبه پاکستان ته په درېیو وېکټو بایلوده.

د لوبې پچه افغانستان وګټله او لومړی یې د توپ وهنې پرېکړه وکړه چې په ټولو ۵۰ اوورنو کې یې د نهو لوبغاړو په سوځېدو ۲۲۷ منډې وکړي او پاکستان ته یې د ۲۲۸ منډو هدف وټاکه.

د پاکستان ټیم هم په پنځوسم اوور کې د ۷ لوبغاړو په سوځېدو سره دغه هدف پوره کړ او له افغانستانه یې لوبه وګتله.

دغه لوبه د لیډس په لوبغالي کې وشوه چې دباندې یې د دواړو ټیمونو د مینه والو او ملاتړو ترمنځ اخ او ډب هم وشو.

د افغانستان بله لوبه له ویسټ انډیز سره ده او د پاکستان له بنګله‌دیش سره.

پرون دغه راز د استرالیا او نیوزیلنډ د ټیمونو ترمنځ هم لوبه وشوه چې استرالیا د ۸۶ منډو په توپیر نیوزیلنډ ته ماتې ورکړه.

نن د انګلستان په برمنګهم کې د هند او انګلستان ټیمونه سره لوبه کوي.

نن د افغانستان او پاکستان د کرکټ ټيمونه د سیالۍ ډګر ته ځي

د کرکټ افغان لوبډله د چمتووالي په حال کې

د کرکټ د ٢٠١٩ میلادي کال د نړيوال جام د سياليو په لړ کې نن د افغانستان او پاکستان د کرکټ ټيمونه په خپلو کې مسابقه کوي.

د انګلستان په ليډز لوبغالي کې به دواړه ټيمونه د افغانستان پر وخت د ماسپښين پر دوو بجو خپله مسابقه پيلوي.

له انګلستانه د کرکټ بورډ رئيس عزيز الله فضلي پرون ناوخته ازادي راډيو ته وويل: دا لوبه د دواړو لوبډلو لپاره ډېره مهمه ده، دواړو لوبډلو پوره چمتووالى نيولى، هيله مند يوو چې د افغانستان لوبډله به د پاکستان د لوبډلې په وړاندې ښه مسابقه وکړي.

نن به د نړيوال جام بله مسابقه د اسټراليا او نيوزيلنډ ترمنځ وي چې په لورد لوبغالي کې به د افغانستان پر وخت د مازيګر پر پنځو بجو پيل شي.

پرون د دغو مسابقو په لړ کې جنوبي افريقا له سريلانکا د کرکټ مسابقه په ٩ ويکټو وګټله.

مسابقه سريلانکا پيل کړه چې مقابل ټيم ته يې د ٢٠٤ منډو هدف وټاکه، جنوبي افريقا دغه هدف يوازې د يوه لوبغاړي په سوځېدو په داسې حال کې پوره کړ چې ٧٦ بالونه يې لا پاتې وو.

د افغانستان د کرکټ ملي لوبډله سبا شنبې له پاکستان سره لوبه کوي

په پام کې ده د افغانستان د کرکټ ملي لوبډله د کرکټ د نړیوال جام د سیالیو په لړۍ کې سبا شنبې له پاکستان سره لوبه وکړي.

په نړیوال جام کې د افغانستان اتمه لوبه به د انګستان په لیډز ښار کې وي چې د کابل په وخت د ماسپښین په دوو بجو پیلېږي.

افغان لوبډلې ۷ مخکینۍ لوبې ټولې بایللي، خو د نړیوال جام د پیل په درشل کې په تمریناتي لوبو کې یې پاکستان مات کړی دی.

په‌دې نړیوال جام کې د افغانستان بله لوبه به د راتلونکي اوونۍ د پنجشنبې په ورځ له ویسټ انډیز سره په لیډز ښار کې وي.

د کرکټ د نړیوال جام د سیالیو په لړۍ کې نن د جنوبي افریقا او سریلانکا لوبډلې د کابل په وخت د ماسپښین په دوو بجو سره مخامخ کېږي.

د دې لړۍ وروستۍ لوبه پرون د هند او ویسټ انډیز ترمینځ وشوه.

دا لوبه هند د ۱۲۵ منډو په توپیر له ویسټ انډیز څخه وګټله.

د کرکټ جام، پاکستان نیوزیلنډ ته ماته ورکړه، هند وېسټ انډیز سره مخ کېږي

د پاکستان د کرکټ لوبډله

د کرکټ د نړیوال جام لوبو په ترڅ کې به نن پنجشنبه وېسټ انډیز له هند سره لوبه وکړي.

وېسټ انډیز له شپږو لوبو یوازې درې امتیازه لري، نو د مخکې تګ هیله‌یې ختلې ده، خو که چېرته هند دا مسابقه وګټله سیمې فاینل ته به ووځي.

پرون د چهارشنبې په ورځ په‌دې پنځوس اوره نړیوال جام کې چې په انګلستان او ولز کې روان دی، پاکستان نیوزیلند ته په شپږو وېکټو ماتې ورکړه، له دې سره د پاکستان هیله پیدا شوه چې نیمه پایلوبې یا سیمي فاینل ته لار وکړي.

پاکستان له اوو لوبو اووه امتیازه لري او دوه لوبې یې پاتې دي که چېرته راتلونکې دوه لوبې وګټي او انګلستان له خپلو پاتې دوو لوبو څخه یوه بایلي نو په‌دې ډول به پاکستان سیمې فاینل ته ووځي.

د کرکټ نړیوال جام، نن پاکستان او نیوزیلند لوبه کوي

په انګلستان کې د هند او پاکستان ترمنځ لوبه. June 16, 2019

د کرکټ په نړیوال جام کې نن پاکستان او نیوزیلند لوبه کوي.

د دوی لوبه د انګلستان په برمنګهم ښار کې په ځايي وخت لس نیمو بجو پيلېږي.

نیوزیلنډ په روان نړیوال جام کې تر اوسه په شپږو لوبو کې پنځه ګټلي او یوه‌یې د باران په خاطر مساوي شوې.

پاکستان بیا له شپږو لوبو دوه ګټلي.

تېره شپه هم کوربه انګلستان د اسټرالیا په وړاندې د ۶۴ منډو په توپیر ماته ومنله.

اسټرالیا ۲۸۶ منډې هدف ټاکلی و او په ځواب کې یې انګلستاني لوبغاړو یوازې ۲۲۱ منډې جوړې کړې.

د ۲۰۱۹ کال د کرکټ نړیوال جام د انګلستان او ولز په کوربه‌توب روان دی.

اسټرالیا په دې لوبو کې تر دې دمه لومړی مقام او افغانستان وروستی مقام لري.

افغانستان خپلې اووه لوبې په پرله‌پسې توګه بایللي او د شنبې په ورځ به له پاکستان سره مخ شي.

افغان ټیم د ۲۰۱۹ کال د نړیوال جام په لومړۍ تمریني لوبه کې پاکستان ته ماتې ورکړې ده.

بنګله‌دېشی لوبغاړی: ډاډه نه‌و چې افغانستان ته به ماتې ورکوو

بنګله‌دېشی لوبغاړی شکیب‌الحسن

د بنګله‌دېش لوبغاړی شکیب‌الحسن وایي‌، ډاډه نه‌و چې افغانستان ته به ماتې ورکوو.

شکیب‌الحسن افغانستان سره په لوبه کې د لوبې غوره لوبغاړی شو.

۵۱ منډې یې وکړې او پنځه افغان لوبغاړي یې هم وسوځول.

هغه له لوبې وروسته په خبري کنفرانس کې وویل: "موږ ډاډه نه‌و چې افغانستان به ماتوو. هغوی یوه خطرناکه لوبډله ده."

دا پنځم ځل دی چې بنګله‌دېش په یوې ورځنیو لوبو کې افغانستان ته ماتې ورکوي.

د کرکټ په نړيوال جام کې نن پاکستان او جنوبي افريقا لوبه کوي

ارشیف، د پاکستان د کرکټ مینه وال ننداره چیان

د کرکټ د ٢٠١٩ میلادي کال د نړيوال جام د سياليو په لړ کې نن د پاکستان او جنوبي افريقا ترمنځ مسابقه کېږي.

د افغانستان پر وخت د ماسپښين پر دوو بجو به دواړه ټيمونه د انګلستان په لورډ لوبغالي کې سره مخامخ شي.

د دغو مسابقو په لړ کې افغانستان پرون د هندوستان په وړاندې ماته وخوړه.

افغانستان د نړيوال جام پنځه مسابقې پرله پسې بايللې دي.

افغانستان سبا د ماسپښين پر دوو بجو د بنګله دېش په وړاندې په ساوټ همپټون لوبغالي کې مسابقه لري.

د کرکټ په نړيوال جام کې سبا افغانستان له هندوستان سره لوبه کوي

ارشیف، د کرکټ افغان لوبډله د لوبې په جریان کې

د ٢٠١٩ میلادي کال د کرکټ نړيوال جام د سياليو په لړ کې سبا افغانستان له هندوستان سره مسابقه کوي.

د افغانستان پر وخت د ماسپښين پر دوو بجو به دغه مسابقه د انګلستان د ساوټ امپټُن په لوبغالي کې وشي.

افغانستان چې په دغه نړيوال جام کې يې خپلې تېرې ٥ مسابقې بايللي، د جدول په پاى کې دى.

خو هندوستان چې له څلورو مسابقو يې ٣ ګټلي، يوه يې د باران له کبله نه ده شوې.

د کرکټ نړيوال جام د مسابقو په لړ کې نن د ماسپښين پر دوو بجو د انګلستان او سريلانکا ترمنځ مسابقه کېږي.

دغه مسابقه به د ليدز په لوبغالي کې وشي.

د کرکټ نړیوال جام، اسټرالیا او بنګله‌دېش سره مخ کېږي

یو اسټرالیایي لوبغاړی

ټاکل شوې ده چې د کرکټ په نړیوال جام کې نن د پجنشنبې په ورځ اسټرالیا او بنګله‌دېش مسابقه وکړي.

د پنځوس اورونو په‌دې نړیوالې سیالۍ کې پرون د چهارشنبې په ورځ نیوزیلنډ جنوبي افریقا ته په څلورو وېکټو ماتې ورکړه.

د نیوزیلنډ کپټان ویلیمسن ۱۰۲ منډې وکړې او د لوبې غوره لوبغاړی وټاکل شو.

له دې بریا سره نیوزیلنډ د جدول سر ته وخوت او نیمه پایلوبې ته د جنوبي افریقا د وتلو چانس له دې ماتې سره تقریباً له‌منځه ولاړ.

دا لوبې په انګلستان او وېلز کې روانې دي او د جولای په ۱۴مه به‌یې پایلوبه وي.

د کرکټ په نړیوال جام کې نن سویلي افریقا د نیوزیلنډ په وړاندې

د نیوزیلنډ توپ نیوونکی

د کرکټ د ۲۰۱۹ نړیوال جام سیالیو په لړ کې نن د سویلي افریقا او نیوزیلنډ ترمنځ لوبه روانه ده.

د لوبې پچه نيوزیلنډ ګټلې او سویلي افریقا ته يې د منډو جوړولو بلنه ورکړې ده.

په روانو سیالیو کې سویلي افریقا څلور لوبې کړي، درې يې بایللي او یوه يې ګټلې ده، نيوزیلنډ بیا په خپلو څلورو لوبو کې درې ګټلې او یوه يې د باران له امله مساوي پای ته رسېدلې ده.

د دې سیالیو د تېرې شپې په لوبه کې انګلنډ افغانستان ته په ماتې ورکولو سره د نومرو د جدول لومړی ځای خپل کړ.

افغانستان به خپله شپږمه لوبه د راتلونکې شنبې په ورځ د هندوستان په وړاندې ترسره کړي.

ګلبدین نایب هغه راپورونه رد کړل چې ګواکې لوبغاړو شخړه کړې

د یو ورځنۍ کرکټ لوبو کپټان ګلبدین نائب په کابل کې یوه خبري غونډې ته د وینا پر مهال. April 05 2019

د افغانستان د کرکټ د ملي ټيم کپټان ګلبدین نایب هغه رپوټونه رد کړي چې ګواکې پرون د افغان لوبغاړو تر منځ شخړه شوی دی.

ګلبدین نایب پرون په یوه خبري کنفرانس کې وویل چې خبریالان دې په‌دې اړه له امنیتي کسانو او د ټیم له مدیر وپوښتي او که له ده دا پوښتنې کېږي نو کنفرانس به پریږدي.

ګلبدین نایب وویل:"زه په‌دې اړه هېڅ نه یم خبر. دا نه د ټیم او نه هم زما لپاره کومه غټه خبره ده. زه ان نه یم خبر چې څه شوي. موږ مدیر لرو امنیتي کس لرو تاسو ورشئ له هغو وپوښتئ. موږ په څه نه یو خبرو. زه ځم که څوک دا ډول پوښتنې کوي."

اسوشیټېډ پریس لیکلي، د ځینو رپوټونو پر اساس پرون د انګلستان په وړاندې تر ماتې وروسته له افغان لوبغاړو کوم عام کس په یوه رسټورانټ کې ویډیو اخېستې او دوی وروسته سره شخړه کړې.

د خبر له مخې د مانچستر پولیسو ویلي چې دوی رسټوانټ ته ورغلل څوک یې نه‌دي نیولي خو څېړنې یې روانې دي.

د افغانستان کرکټ بورډ کرکټ بورډ په‌دې اړه تر اوسه کوم غبرګون نه دی ښودلی.

د افغانستان د کرکټ ملي ټيم پرون د انګلستان له‌خوا د ۳۹۸ منډو هدف پوره نه شو کړای او لوبه یې د ۱۵۰ منډو په توپیر وبایلله.

د ۲۰۱۹ کال د کرکټ د نړیوال جام د دې لوبې د لیدلو لپاره پرون افغان ولسمشر اشرف غني هم د انګلستان مانچستر ښار ته تللی و.

د افغان ټیم راتلونکې لوبه د شنبې په ورځ له هند سره ده.

ولسمشر غني په مانچستر کې د افغان کرکټ لوبډلې سیالۍ ګوري

ولسمشر غني په مانچستر کې د کرکټ لوبه ننداره کوي

د افغانستان د کرکټ ملي لوبډله نن د انګلستان په مانچستر ښار کې د انګلستان د کرکټ له لوبډلې سره سیالي لري.

د افغانستان د کرکټ د ملي لوبډلې غړو په مانچستر کې د ازادي راډیو خبریال ته ویلي چې د نننۍ سیالي لپاره ښه ځانونه تیار کړي دي.

د افغانستان ولسمشر محمد اشرف غني چې د بریتانیې د حکومت په بلنه هغه هېواد ته تللی، نن په مانچستر کې د افغانانو د لوبې سیل ته ناست دی.

د افغانستان د کرکټ ملي لوبډله به د راتلونکې شنبې په ورځ د هند د کرکټ له لوبډلې او د دوشنبې په ورځ به له بنګله دېش سره مخامخ شي.

د کرکټ د نړیوال جام لپاره سږکال دا سیالۍ په انګلستان او وېلز کې کېږي.

د افغانستان د کرکټ ملي لوبډلې تر اوسه خپلې ټولې مسابقې بایللي دي.

افغان کرکټ لوبډله نړیوال جام سیالیو کې له انګلستان سره مخ کېږي

د انګلیستان په وړاندې د افغانستان د کرکټ ټیم تیاري
هيله ده انتظار وکړئ

No media source currently available

0:00 0:01:43 0:00

افغانستان به نن سې شنبه د ۲۰۱۹ میلادي کال په نړیوال جام سیالیو کې له انګلستان سره مخامخ شي.

دا مسابقه د افغانستان په وخت د ماسپښین په ۲ بجې د مانچستر په اولډ ترافورد لوبغالي کې پیلېږي.

د افغانستان ولسمشر محمد اشرف غني هم د دې مسابقې د لیدو لپاره لوبغالي ته ځي.

د افغانستان د لوبډلې تېز بالر افتاب عالم لوبغالي ته د ولسمشر ورتګ تشویقوونکی بولي.

دی وايي: "موږ خپله هڅه کوو، تیاری مو نیولی او ولسمشر هم زموږ د تشویق لپاره راځي."

افغانان هیله لري چې د افغانستان ملي لوبډله نن په‌دې سیالۍ کې بریالۍ شي.

افغانستان تېرې ۴ لوبې د اسټرالیا، نیوزیلند، سریلانکا او جنوبي افریقا په وړاندې بایللې دي.

د کرکټ نړېوال جام کې بنګله‌دېش او ويسټ انډيز سره لوبېږي

د ويسټ انډيز د کرکټ لوبډله

د کرکټ د ٢٠١٩میلادي کال د نړيوال جام سياليو په لړ کې نن دوشنبه د بنګله‌دېش او ويسټ انډيز ترمنځ مسابقه کېږي.

د افغانستان پر وخت ماسپښين پر دوو بجو به دواړه ټيمونه د انګلستان په تانتون لوبغالي کې مسابقه کوي.

په پرونۍ مسابقه کې هندوستان پاکستان ته ماتې ورکړه.

د لوبې پچه يا ټاس پاکستان وګاټه، خو هندوستان ته يې بلنه ورکړه چې لوبه پيل کړي.

هندوستان په ٥٠ اوورونو کې د ٥ لوبغاړو په سوځېدو سره ٣٣٦ منډې وکړې.

څرنګه چې باران وشو، نو پاکستان ته په ٤٠ اوورونو کې ٣٠٢ منډې په کار وې.

پاکستان د ٦ لوبغاړو په سوځېدو يوازې د ٢١٢ منډو په کولو وتوانېد او لوبه يې د ۸۹ منډو په توپیر پر هندوستان بايلوده.

تمه ده، د افغانستان د کرکټ ملي ټيم سبا سې شنبه له کوربه انګلستان سره د مانچستر په لوبغالي کې لوبه وکړي.

ولسمشر محمد اشرف غني به هم چې دا مهال په بريتانيا کې دى د دې مسابقې ليدو ته ورشي.

نور راوښيه

XS
SM
MD
LG