د کرکټ د ۲۰۱۹ نړیوال جام سیالیو په لړ کې نن د سویلي افریقا او نیوزیلنډ ترمنځ لوبه روانه ده.
د لوبې پچه نيوزیلنډ ګټلې او سویلي افریقا ته يې د منډو جوړولو بلنه ورکړې ده.
په روانو سیالیو کې سویلي افریقا څلور لوبې کړي، درې يې بایللي او یوه يې ګټلې ده، نيوزیلنډ بیا په خپلو څلورو لوبو کې درې ګټلې او یوه يې د باران له امله مساوي پای ته رسېدلې ده.
د دې سیالیو د تېرې شپې په لوبه کې انګلنډ افغانستان ته په ماتې ورکولو سره د نومرو د جدول لومړی ځای خپل کړ.
افغانستان به خپله شپږمه لوبه د راتلونکې شنبې په ورځ د هندوستان په وړاندې ترسره کړي.