افغانستان سبا شنبه د ايرلنډ په وړاندې خپله دويمه ٢٠ اووره مسابقه کوي.
افغانستان له ايرلنډ څخه خپله لومړۍ مسابقه چې پرون وشوه، په پنځو ويکټو وګټله.
د کرکټ بورډ وياند فريد هوتک ازادۍ راډيو ته وويل، دواړه هېوادونه به څو پنځوس اووره او يوه ټيسټ لوبه هم وکړي:
”د کرکټ ملي لوبډله د ايرلنډ د کرکټ له لوبډلې سره ٣ شل اووره، ٥ پنځوس اووره او يوه ټيسټ لوبه کوي. دا ټولې لوبې به د افغانستان په کوربه توب ترسره شي.“
سبا به د هندوستان په دِهرادُن کې د افغانستان پر وخت دواړه ټيمونه د مازيګر پنځه نيمې بجې د مسابقې ډګر ته وځي.
د مسابقو دغه لړۍ به د مارچ مياشتې تر ١٥مې نېټې پورې دوام کوي.