ځینو اسیايي او اروپايي هېوادونو ته د افغانستان د سولې لپاره د امریکا د خاص استازي زلمي خلیلزاد سفر پرون یکشنبه د فبروري له لسمې پيل شو.
په دې اړه نور: زلمی خلیلزاد د افغان سولې په خاطر یو بل مهم سفر پیلويبلجیم، جرمني، ترکیه،قطر، افغانستان او پاکستان هغه هېوادونه دي چې زلمی خلیلزاد به د فبروري تر پایه پهکې د افغان سولې د پروسې په اړه په خبرو بوخت وي.
د امریکا د بهرنیو چارو وزارت پرون په یوه اعلامیه کې وویل چې ښاغلی خلیلزاد به په دې سفر کې د امریکا له ملګرو او متحدینو سره د افغان سولې په تړاو د ګډو اړخیزو هڅو په چټکتیا وغږېږي او له افغان حکومت سره به مشورې وکړي.
په بیان کې راغلي:
دا سفر د هغو هڅو برخه ده چې امریکا د خپلو ملي امنیتي ګټو د خوندیتوب او د بینالافغاني مذاکراتو د پیل لپاره روانې کړي دي.
د افغانستان د سولې په تړاو د امریکا د بهرنیو چارو وزارت د خاص استازي دا پنځم سفر دی چې د سیمې او نړۍ ځینو هېوادونو ته یې پيلوي.
په دې اړه نور: له انتخاباتو مخکې د سولې یوه توافق د رسېدو هڅه!خلیلزاد همدا لس ورځې مخکې خپل یو سفر چې پهکې نوموړی هند، چین، پاکستان، قطر او افغانستان ته ولاړ پای ته ورساوه.
ده په قطر کې د طالبانو له استازیو سره شپږ ورځې خبرې وکړې، هغه خبرې چې تر پخوانیو مذاکراتو د ده په باور ډېر پرمختګ پهکې وشو.
خلیلزاد مخکې ویلي و چې له ترورېزم سره پر مبارزې او د عسکرو د وتلو په برخه کې یې ښه پرمختګ کړی، خو د بینالافغاني خبرو او بشپړ اوربند په څېر ډېر حیاتي مسایل لا هم پاتې دي چې کار غواړي.
د رویټرز اژانس د پرونیو معلوماتو له مخې ښاغلی خلیلزاد دا وار د فبروري په پنځه ویشتمه له طالبانو سره د قطر په پلازمېنه دوحه کې خبرې کوي.
ښاغلي خلیلزاد پرون یکشنبه د امریکا د بهرنیو چارو وزارت د بیان تر خپرېدو، څو شېبې وروسته ټوېټ وکړ او ویې ویل چې په واشنګټن کې یې له بېلابېلو چارواکو سره د افغان سولې په پروسه کې د امریکا د حکومت په پرمختګونو خبرې کړي.
د خلیلزاد د هڅو یوه لویه برخه د افغان حکومت او طالبانو ترمنځ د مخامخ خبرو د پیل لپاره دي هغه څه چې افغان حکومت یې غواړي، خو طالبان یې اوس لېواله نهدي.
افغان ولسمشر اشرف غني پرون یکشنبه د ننګرهار غني خېلو ولسوالۍ ته په سفر کې له طالبانو وغوښتل چې د سولې خبرې ورسره وکړي او حکومت چمتو دی چې په کابل یا بل هر ځای کې دفتر ورکړي.
ولسمشر غني د ننګرهار په غني خیلو کې د وینا پر مهال
ولسمشر غني وویل:
په دې اړه نور: ولسمشر غني: په هېواد کې ۴۰ کلنې وينې بهېدنې ته د پای ټکی ږدم"موږ پایداره سوله راوړو. هغه سوله کې به اول د ټول افغانستان عزت وي. طالبان دفتر غواړي سبا یې په کابل کې ورکوو، ننګرهار کې کندهار کې یې ورکوو. که موږ د دوی امنیت ونهساتو موږ مسوول. ۳۳ زره کسان راغلل په اوربند کې اوبه له اوبو وخوځېدې؟ دا امنیتي ځواکونه راغلل وايي، وروڼه دي عکسونه یې ورسره وانهخېستل؟"
په قطر کې د طالبانو د سیاسي استازولۍ ویاند سهیل شاهین بیا پرون له رویټرز سره په مرکه کې ویلي چې دوی د مسکو په وروستۍ ناسته کې د قطر په پلازمېنه دوحه کې د طالبانو د دفتر د رسمي کېدو غوښتنه مطرح کړې.
ده په ننګرهار کې د افغان ولسمشر اشرف غني خبرو ته په اشارې ویلي چې د ده په خبره غني غواړي مسئله بلې خوا ته واړوي او د سولې روانو خبرو ته ضربه ورسوي.
افغان ولسمشر اشرف غني د تېر ۲۰۱۸ میلادي کال د فبروري په ۲۸مه له طالبانو سره له قید او شرط پرته د خبرو وړاندیز وکړ او له هغه وخت راهیسې یې په خپلو خبرو کې ویلي چې د افغانستان لپاره دایمي او با عزته سوله غواړي.
صفيالله ستانکزی