بختزاده دانش د پښتو د معاصر شعري ادب هغه ځوان شاعر دی چې د خپل ځانګړي انداز او سبک له امله په لر او بر پښتنو کې لکونه مینهوال لري.
ښاغلی دانش د کوزې پښتونخوا د دیر اوسېدونکی دی او په همدې خپله سیمه دیر کې د شهید بېنظیر بوټو پوهنتون د انګلیسي ادبیاتو په پوهنځي کې استاد دی، خو شاعري پر خپلې مورنۍ ژبه پښتو کوي.
د نوموړي تر دې دمه یوه شعري ټولکه «زه به نه لېونی کېږم» چاپ شوې ده.
ښاغلی دانش وايي، کوښښ کوم د شعر په ژبه خپل ولس له موجوده حالاتو او سازشونو خبر کړم.
نوموړی وايي:
"په تېرې یوې لسیزه کې مې پر شعر او شاعرۍ حالاتو داسې رنګ غوړولی چې د شونډو، جام، شباب او کباب رنګ پهکې وینو، چغو او ژړا و فریاد نیولی دی."
د ازادي راډیو خبریال ذبیح مومند له بختزاده دانش سره د هغه پر شعر او شاعرۍ مرکه کړې چې دلتهیې اورو.
Your browser doesn’t support HTML5
مرکه
مرکه: ذبیح مومند