د افغانستان د انتخاباتو خپلواک کمېسیون وايي، د کابل د انتخاباتو لومړني نتایج راتلونکې اوونۍ اعلانېږي.
د دغه کمېسیون د ویاند مرستیال میرزا محمد حقپرست د چهارشنبې په ورځ «۱۳۹۷ کال د مرغومې ۱۲» ازادي راډيو ته وویل، د کابل د نتایجو په اعلان کې به نور ځنډ نهراځي، ځکه په وینا یې یوازې ۲۰ سلنه رأیې پاتې دي چې په سیستم کې وراضافه شي.
نوموړي زیاته کړه:
"د افغانستان د ټاکنو خپلواک کمېسیون هڅه دا ده، څو د کابل د انتخاباتو لومړني نتایج ډېر ژر اعلان کړي، د خوښې ځای دی چې اوسمهال د کابل ۸۰ سلنه رأیې سیستم ته اضافه شوي او پاتې ۲۰ سلنه به هم سیستم ته اضافه کېږي."
د انتخاباتو د کمېسیون مرستیال ویاند میرزا محمد حقپرست
د افغانستان د انتخاباتو خپلواک کمېسیون همدارنګه وايي، د بغلان د انتخاباتو لومړني نتایج به تر راتلونکو درېیو ورځو پورې اعلان شي.
په دې اړه نور: د انتخاباتو کمېسیون د ولسمشرۍ د انتخاباتو د ځنډ رسمي اعلان وکړدا پهداسې حال کې ده چې تر دې وړاندې د کمېسیون په کمزوري مدیریت تُند انتقادونه شوي.
له سیاسي ګوندونو او جریانونو نیولې تر انتخاباتي څارونکو پورې د ولسي جرګې انتخاباتو لومړنیو نتایجو کې په اعلان او ولسمشریزو ټاکنو د نېټې په ځنډېدو انتقادونه کړي.
د جمهوري ریاست د ویاند مرستیال شاه حسین مرتضوي بیا ازادي راډيو ته وویل، د کمېسیون استقلالیت ته درناوی لري.
دا پهداسې حال کې ده چې یوناما یا په افغانستان کې د ملګرو ملتونو مرستندویه دفتر دوه ورځې مخکې په انتخاباتي کمېسیون کې بنسټیزو اصلاحاتو باندې ټينګار کړی.
تر دې یوه ورځ مخکې یو شمېر ګوندونو او سیاسي جریانونو پهدې پروسه کې د کمېسیون پر کمزوري مدیریت انتقاد وکړ او دغه کمېسیونیې په پاتې راتلو تورن کړ.
دوی همدارنګه د کمېسیون په رهبرۍ کې د بدلونونو غوښتنه هم وکړه.
یو شمېر سناتوران بیا ټینګار کوي چې پر کمېسیون د خلکو باور لهمنځه تللی.
د دغو سناتورانو له ډلې زلمي زابلي وویل:
"کمېسیون به په راتلونکو ورځو کې هم ونهتوانېږي چې پایلې اعلان کړي، دا په خپله د کمېسیون اعتبار کم کړی اوس هم کمېسیون وخت لري چې حکومت ته نه ووايي او حقیقي رأیې اعلان کړي."
له بلېخوا د افغانستان د ازادو او عادلانه انتخاباتو د بنسټ اجرائیوي مشر یوسف رشید وايي، انتخاباتي پروسه کې د حکومت لاسوهنه، د کمېسیون کمزوری چلند او د مافیایي کړیو شتون هغه څه دي چې د انتخاباتو پروسهیې له ستونزو سره مخ کړې ده.
نوموړي ټينګار وکړ، که دا وضعیت دوام وکړي هېواد به له کړکېچ سره مخ شي او مسؤلیت بهیې د کمېسیون او حکومت پر غاړه وي.
راپور: ناجیه ساپۍ