د پاکستان سترې محکمې عیسوۍ اسیه بي بي له زندانه خوشې کړه.
دا اسلامي مقدساتو ته د توهین په تور په اعدام محکومه شوې وه.
د پاکستان د سترې محکمې رئیس ثاقب ناصر پرون چهارشنبه د لاهور د عالي محکمې حکم لغوه کړ.
د لاهور عالي محکمې اسیه بي بي په ۲۰۱۰ میلادي کال کې د اسلام پیغمبر ته د سپکاوي په تور په اعدام محکوم کړې وه.
په پاکستان کې اسلام ته توهین د مرګ سزا لري.
د پاکستان سترې محکمې حکم وکړ چې اسیه بي بي دې دستي له زندانه خوشې شي.
د امنیتي دلایلو له امله نوموړې یوه ناڅرګند ځای ته انتقال شوې ده.
د بشري حقونو ډلو او بنسټونو د پاکستان د سترې محکمې د دې پرېکړې هرکلی کړی دی.
د بشري حقونو ډلو او بنسټونو د پاکستان د سترې محکمې د دې پرېکړې هرکلی کړی دی.
د بخښنې نړیوال سازمان د جنوبي اسیا د برخې مسؤل عمر وړایچ د پاکستان د سترې محکمې پرېکړه تاریخي پرېکړه وبلله.
خو بل لور ته په پاکستان کې دننه تحریک لبیک پاکستان افراطي ډلې دا پرېکړه وغندله.
د دې ډلې غړو پرون د پاکستان په لویو ښارونو کې یو شمېر مهمې لارې بندې کړې او په لاهور کې یې د مظاهرو پر مهال پولیس پر کاڼو ویشتل.
د پاکستان صدراعظم له اسلامپاله ډلو وغوښتل چې حکومت دې نهمجبوروي چې د دوی پر ضد لاس په کار شي.
تحریک لبیک پاکستان ګوند د عمران خان د حکومت د ړنګېدو غوښتنه وکړه او ویېویل چې د سترې محکمې رئیس او صدراعظم باید له دندو ګوښه شي.
دې ډلې همداراز دا خبره وکړه چې هر هغه چا چې له زندانه د اسیه بي بي د خوشې کېدو امر کړی دی مرګیې روا دی.
د پاکستان صدراعظم عمران خان ملت ته په وینا کې چې له ټلوېزیون څخه خپره شوه له خلکو وغوښتل چې له افراطیته ډډه وکړي.
عمران خان زیاته کړه:
"دوی د خپلو سیاسي ګټو لپاره تاسو تحریکوي، تاسو باید د خپل هېواد لپاره د هغوی په لومه کې ونهلوېږئ، دوی اسلام ته خدمت نهکوي."
د پاکستان صدراعظم همداراز ویلي دي چې حکومت خپله دنده ترسره کړه، عمران خان په ورته وخت کې له اسلامپاله ډلو وغوښتل چې حکومت دې نهمجبوروي چې د دوی پر ضد لاس په کار شي.
کله چې اسیه بي بي په اعدام محکومه شوې وه هغه وخت د بشري حقونو ډلو او په ټوله نړۍ کې عیسویانو پر دې پرېکړې سخت انتقادونه وکړل.
په ۲۰۱۰ کال کې د عیسویانو مشر ۱۶م پاپ بیندیک د دې مېرمنې د سمدستي خوشې کېدو غوښتنه وکړه.
د نړۍ د کاتولیکانو اوسني مشر پاپ فرانسېس په ۲۰۱۵ کال کې د اسیه بي بي له لور سره کتلي و.