د افغانستان اجرائيه رئيس وايي افغان ورزشکاران توانېدلي په ترکمنستان کې د اسيايي لوبو په لړ کې ښه وځلېږي.
عبدالله عبدالله نن په دغو لوبو کې د افغان ورزشکارانو د لاسته راوړنو په اړه ويلي، چې حسين بخش صَفَري په جوجيڅو رشته کې د سرو زرو او احمد جاويد اميري په کوروش برخه کې د سپينو زرو مډالونه ګټلي او د افغانستان د فوټسال ملي ټيم د چين يوه ټيم ته يو د شپږو په مقابل کې ماتې ورکړه.
اجرايه رئيس ويلي، د ملي يووالي حکومت په افغانستان کې د ورزشکارو د ملاتړ او د سپورټ د ودې لپاره ټول امکانات کاروي.
د عبدالله عبدالله په پيغام کې راغلي، چې د اسيايي لوبو په دغو سياليو کې له افغانستان څخه په ١٧ رشتو کې ٢١٥ ورزشکارانو برخه اخيستې ده.