د امریکا لوی څارنوال جف سشنز موافقه وکړه چې د سنا جرګې د استخباراتو کمېټې پوښتنو ته ځوابونه وايي.
دا کمېټه د امریکا د ولسمشرۍ په انتخاباتو کې د روسیې د لاسوهنې او د روسي چارواکو او د ډونالډ ټرمپ د نژدې کسانو د اړیکو په اړه څېړنې کوي.
وروسته له دې چې د امریکا د فدرالي تحقیقاتي ادارې یا ایف بي ای ګوښه کړای شوي رئیس جېمز کومي تېره اوونۍ د شاهد په توګه څرګندونې وکړې، پر ښاغلي سشنز فشار دی چې د سنا جرګې استخباراتي کمېټې ته حاضر شي او په ښکاره څرګندونې وکړي.
دې کمېټې پرون دوشنبه وویل چې د سشنز څرګندونې به چې ټاکل شوې ده نن کمېټې ته حاضر شي، علني وي.