د افغانستان دفاع وزارت وايي په تېرو ٢٤ ساعتونو کې د هېواد په بېلابېلو برخو کې ٤٤ دولت ضد وسلوال وژل شوي دي.
د دفاع وزارت د عامه چارو عمومي مدير ډګروال محمد اسحاق پيمان ازادۍ راډيو ته وويل:
”د اتلسو پلان شويو عملياتو په نتيجه کې ٤٤ تروريستان په دغو ولايتونو کې وژل شوي، له دې جملې د ارزګان په مرکز ترينکوټ کې د قوماندان امان اله په نوم د دوى مشر هم په وژل شويو کې شامل دى“
دفاع وزارت وايي د ملي اردو په دغو عملياتو کې ٢١ نور تروريستان ټپيان شوي هم دي.