د فلپين پوليس وايي هغه سړى چې د يوې قمارخانې د اولګونې په پېښه کې ښکېل و، د دې قمارخانې ډېر پوروړوى و.
دغه کس په ماليې رياست کې له خپلې دندې شړل شوى و.
په هغه پېښه کې چې د جمعې په ورځ شوې، ٣٧ کسان مړه شوي وو.
پوليسو نن په يوه اعلاميه کې ټينګار وکړ، چې دا پېښه له ټروريزم سره ارتباط نه لري، خو د هغې حملې مسووليت داعش ډلې منلى دى.
د جمهوري رياست د ارتباطاعاتو د عملياتي دفتر سکرټر مارتين اندانار د چين مرکزي ټلويزيون ته وويل:
”موږ ډېر خواشيني يو چې داسې د تاسف وړ پېښه وشوه. موږ د ٣٧ بېګناه ملکيانو پر وژل کېدو په وير کې يو، موږ د قربانيانو کورنيو ته د خپلې خواخوږۍ مراتب وړاندې کوو“
٤٢ کلن حمله کوونکى چې نوم يې جيسي کارلوس معرفي شوى، درې اولادونه لري، چې له ماليې رياست څخه شړل شوى و.
دغه مشکوک کس د جمعې په ورځ قمارخانې ته ننوت، د قمار مېزونو ته يې اور واچاوه. د ډېر لوګي له کبله په قمارخانه کې راټول مېلمانه او کارګران مړه شول.
تر پېښې وروسته يوه نږدې هوټل ته وتښتېد، خو هلته يې ځان خپله مړ کړ.