د پکتیکا ولایت د رسنیو دفتر څخه ازادي راډیو ته په استول شوې خبرپاڼه کې راغلي چې د دوشنبې په ورځ له غرمې وروسته د یاد ولایت د زیړوک ولسوالۍ په تنګي سیمه کې د بېپیلوټه الوتکې په برید کې د درېیو قوماندانانو په ګډون ۲۹ وسلهوال طالبان وژل شوي دي.
په خبرپاڼه کې زیاته شوې په پېښه کې د افغان وزیرستاني او حذیفه په نومونو د وسلهوالو طالبانو دوه مهم قوماندانان چې په ګڼ شمېر ترهګریزو پېښو کې یې لاس و، وژل شوي دي.
چارواکي وايي، پر وسلهوالو طالبانو یاده حمله هغه مهال ترسره شوې چې کلهیې د یوه وژل شوي طالب قوماندان کرامت خان د فاتحې په مراسمو کې ګډون کړی وو.
کرامت خان د وسلهوالو طالبانو مشهور قوماندان و چې په سیمه کې یې د حکومت پر ضد فعالیتونو کې لاس درلود چې د ځايي خلکو سره په نښته کې ووژل شو.