افغان چارواکي وايي، د شربت ګلې د خوشې کولو لپاره هڅې دوام لري.
په پاکستان کې افغان سفیر حضرت عمر زاخېلوال په خپل رسمي فیس بوک لیکلي چې د افغانستان او پاکستان لپاره د جرمني له خاص استازي سټیفان روکین او د پاکستان لپاره د جرمني له سفیرې اینا لیپیل سره یې په کډوالو او په خاصه توګه د شربت ګلې د قضیې په اړه خبرې کړي دي.
ښاغلي زاخېلوال له ازادي راډیو سره په خبرو کې پرون هیله څرګنده کړه چې شربت ګله تر راتلونکې سې شنبې ورځ خوشې شي.
شربتګله چې لسیزې وړاندې یې یو انځور د جذابو سترګو په خاطر نړیوال شهرت ته ورسوله د چهارشنبې په ورځ په پېښور کې د پاکستان د جعلي پيژندپاڼې د لرلو په تور د پولیسو لهخوا ونیول شوه.