د ډیموکراټ ګوند هلري کلنټن او د جمهوري غوښتونکي ډونالډ ټرمپ د امریکا د ولسمشرۍ د مقدماتي ټاکنو په لړ کې په نیوجرسي ایالت کې زیاتې رای ګټلي دي.
په نیو جرسي کې تر کامیابۍ وروسته دواړه کاندیدان د سپینې ماڼۍ لپاره په خپلوکې سیالۍ ته نور هم نږدې شوي دي.
امریکايي تلویزونونو په ساوت ډیکوټا او نیو مکسیکو کې هم د ډونالډ ټرمپ د بریالیتوب خبر ورکړی دی.
ډونالډ ټرمپ او هلري کلنټن لا دمخه د زیاتو انتخاباتي هئیتونو په ګټلو سره د خپلو ګوندونو لخوا د امریکا ولسمشرۍ ته زیات احتمالي کاندیدان بلل شوي دي.