د اسلامي دولت ډلې یا داعش مشر حافظ سعید په افغانستان کې په یوه هوايي حمله کې وژل شوی دی.
د افغانستان د ملي امنیت عمومي ریاست په یوه بیان کې ویلي چې حافظ سعید پرون شپه د ننګرهار په اچین ولسوالۍ کې له خپلو نهو ویشتو کسانو سره د دې هوايي حملې هدف ګرځیدلی دی.
ملي امنیت په داسې حال کې د حافظ سعید د وژل کیدو خبر ورکوي چې دوه ورځې مخکې د افغانستان لپاره د اسلامي دولت ډلې مهم مشر شاهدالله شاهد هم په یوه هوايي حمله کې وژل شوی و.
د ملي امنیت ریاست ویلي چې له دې مخکې هم په افغانستان کې د داعش ډلې څو غړي وژل شوي دي.