امریکا وايي، د روسيې د هغه نوي قانون په اړه اندېښنه لري چې پرغيردولتي ادارو به بنديز لګوي که د دوی په وينا غيرمطلوب وي.
ولسمشر ولادیمیرپوتین پرون [شنبه] په روسیه کې، د غیرمطلوبو سازمانونو د فعالیت د محدودولو سند توشیح کړ.
دا سند تیره اونۍ د روسیې د پارلمان دواړو خونو تائید کړی وو.
د دې نوی قانون مخالفان وايي، چې په روسیه کې به د غیر حکومتي سازمانو فعالیت ته شدیده ضربه ورکړي.
د امریکا د کورنيوچارو وزارت وياندې ماري هرف وويل، چې واشنګټن اندېښنه لري چې دا نوی قانون به په روسيه کې د مدني ټولنې کار محدود کړي.
نوی قانون د روسیې څارنوالۍ ته اجازه ورکوي چې بهرني سازمانونه د غیرمطلوبو ادارو په لست کې شامل کړي.
غیرمطلوبې هغو ادارو ته ویل کیږي چې د روسیې دفاعي قابلیت، امنیت، عامه نظم او عامې روغتیا ته ګواښ پيښولای شي.
د قانون پراساس، هغه کسان چې په روسیه کې داسې سازمانونوته کارکوي، جریمه کیدلای او ان په شپږکاله بند محکومیدلای شي.