د نیپال چارواکي وايي؛ د وروستۍ زلزلې له امله له ورانو شوو ودانیو څخه يې نن یو پینځلس کلن هلک ژوغورلی دی.
د پولیسو ویاند کمال سینګ وویل؛ دا هلک د هلتون په نوم د یوه میلمستون له ورانې شوې ودانۍ څخه چې پینځه ورځې په کې بند پاتې و، ویستل شوی دی.
ځینو رسنیو بیا د دغه هلک عمراتلس کاله ښودلی دی.
د پولیسو یوه بل مقام چې د ژغورولو د چارو مشري کوي، خبریالانوته وویل:
″دا لومړی ځل دی چې موږله ۱۴۴ ساعتونو وروسته یو کس ژوندی راوباسو.
فکر کوم دا د نړۍ په سطحه یوه استثنايي پیښه ده چې دی یوې ړنګې شوې ودانې له پاتې شونو څخه یو کس ژوندۍ ایستل کیږي.″
په همدې حال کې د نیپال چارواکي وايي؛ د وروستۍ زلزلې د مړو شمېرله پینځه نیم زرو او د ټپیانو شمېرله یوولس نیم زرو پورته شوی دی.