د افغانستان د ملي امنیت ریاست وایي چې د لغمان په مرکز مهترلام کې یې د انتحاري حملې او چاودنو مخه نیولې ده.
د ملي امنیت عمومي ریاست وایي هغه څلور کسیزه ډله یې نیولې چې ددې حملو او چاودنو هوډ یې درلود.
له دې ریاسته په خپره شوې خبرپاڼه کې راغلي چې له دې څلور کسیزې ډلې سره دوه موټرسایلکونه چې چاودیدونکي مواد په کې ځای پر ځآی شوي وو، نیولې دي.
ملي امنیت ددې لاسته راوړنې خبر په داسې حال کې کوي چې تیره ورځ په جلال آباد کې یوې انتحاري حملې ۳۴ کسان ووژل او له سلو زیات یې ټپيان کړل.