په پام کې ده چې د افغانستان د کرکټ ملي ټیم نن د متحده عربي اماراتو له ټیم سره تمریني لوبه وکړي.
د اسټرالیا په میلبورن ښار کې دا لوبه د ۲۰۱۵ کال د نړیوال جام په درشل کې ترسره کېږي. افغانستان خپل لومړۍ تمریني لوبه هند ته او متحده عربي اماراتو اسټرالیا ته وبایلله.
د کرکټ نړیوال جام د شنبې په ورځ چې د فبروري څوارلسمه نېټه ده؛ په کرسچرچ ښار کې د سریلانکا او نیوزیلنډ په لوبه پیلېږي او د فاینل لوبه یې د مارچ په ۲۹ مه په پام کې ده.
د افغانستان لومړۍ لوبه د فبروري په اتلسمه له بنګلدېش سره ده.