د افغانستان د صنعت کارانو سراسري ټولنه وایې، که چیرته نوی افغان حکومت ورته یوه مشخصه پالیسي جوړه کړي، نو حاضر دي چې په افغانستان کې یو نیم میلیارد ډالر پانګونه وکړي.
د دغې ټولنې مشر شیرباز کمین زاده آزادی راډیو ته وویل، چې که د دوي غوښتنه ومنل شي نو په یوه کال کې به دغه پانګونه وکړی.
نوموړي وویل، چې په تیرو څه باندي لسو کلنو کې په ټول افغانستان کې درې زره فابریکې جوړي شوې چې پکې شاوخوا دوه لکه او شپيته زره کارکونکو کار کاوه.
خو نوموړي وویل، چې په تیر یوه کال کې د انتخاباتي ستونزو له امله شاوخوا څلویښت زره کارکونکي بیکاره شوي دي.