د مصر د پخواني ولسمشر حسني مبارک محاکمه نن بيا په قاهره کې پيل شوه، خو وروسته د جون تر اتمې نېټې پورې وځنډېده.
پر مبارک تور پورې دى چې په قاهره کې يې د ٢٠١١م کال د اعتراض کوونکو په وژنو کې لاس درلود.
دولتي رسنيو راپور ورکړى چې د قاهرې په يوه څنډه کې شا و خوا درې زره امنيتي افسرانو د پوليسو په اکاډمۍ کې د جوړې شوې محکمې امنيت نيولى و.
مبارک او د ده د وخت د کورنيو چارو وزير حبيب العدلي په جون مياشت کې محکوم او د عمري بند سزا ورته واورول شوه.
خو په جنورۍ کې د مصر سترې محکمې د دوى د استناف غوښتنه ومنله او د دوى د بيا محاکمه کېدو امر يې وکړ.
حسني مبارک د ٢٠١١م کال تر ١٨ ورځني پاڅون وروسته له واک څخه ليرې شو. په هغه پاڅون کې تر ٨٤٠ زيات کسان ووژل شول.
پر مبارک تور پورې دى چې په قاهره کې يې د ٢٠١١م کال د اعتراض کوونکو په وژنو کې لاس درلود.
دولتي رسنيو راپور ورکړى چې د قاهرې په يوه څنډه کې شا و خوا درې زره امنيتي افسرانو د پوليسو په اکاډمۍ کې د جوړې شوې محکمې امنيت نيولى و.
مبارک او د ده د وخت د کورنيو چارو وزير حبيب العدلي په جون مياشت کې محکوم او د عمري بند سزا ورته واورول شوه.
خو په جنورۍ کې د مصر سترې محکمې د دوى د استناف غوښتنه ومنله او د دوى د بيا محاکمه کېدو امر يې وکړ.
حسني مبارک د ٢٠١١م کال تر ١٨ ورځني پاڅون وروسته له واک څخه ليرې شو. په هغه پاڅون کې تر ٨٤٠ زيات کسان ووژل شول.