وسله والو د عراق په شمال کې د یوې سنې ملیشه ډلې اوه تنه چې د القاعده وسله والو د مقابلې په مقصد جوړه شوې، ووژل.
حمله کوونکې نن په پوځي جامو یا یونیفورم کې د بغداد د شمال په ۱۷۰ کیلومیترۍ کې د حلایت کلې ته نږدې یوې امنیتې پوستې ته ورغلل ، د ساحوا ملیشې اته تنه یې له ځان سره یوې بلې سېمې ته یوړل او په ګولیو یي وویشتل.
له اتو کسانو څخه یو یې ژوندی پاته شوی او سخت ټپي دی.
د ساحوا ملیشه ۴۱ زره جنګیالې لري او د عراق د حکومت له خوا تمویلیږي. د عراق حکومت د جنورۍ میاشت کې ددي ډلې د غړیو معاشونه په سلو کی شپیته ور زیات کړل.