بلخ: د استیناف په ریاست ډله ییزه حمله کې ۵تنه وژل شوي
د بلخ چارواکي وایې، د دغه ولایت د استیناف پرڅارنوالۍ د وسله والو په ډله ییزه حمله کې تردې دمه ۵تنه وژل شوي او ۵۵ تنه ټپیان دي. د بلخ ولایت له مقام څخه په یوې خپرې شوي اعلامیې کې راغلي چې وژل شوي ټول امنیتي ساتونکي دي چې په کې د مزارشریف د شپږمې حوزې امرهم شامل دی. د اعلامیې له مخې، د پيښې په ټپيانو کې ښځې او ماشومان هم شته. عیني شاهدان وایې چې حمله کوونکو لس څارنوالان هم یرغمل نیولي دي.