د دروند وزن غېږنیونې افغان لوبغاړي محمد نادر صوفي زاده په قرغیزستان کې د قبایلو د غېږنیونې په سیالیو کې د ژېړو میډال وګاټه.
صوفي زاده د دوشنبې په ورځ د کُشتۍ د ترکمن کورش په څانګه کې د ایټالیا، ګورجستان او ارمنستان سیالانو ته ماته ورکړه خو نیمه پایلوبه یې پر خپل قرغیز سیال وبایلله.
په قرغیزستان کې په دې سیالیو کې، چې د اګست له ۳۱ مې پیل شوي او د سپټمبر تر اوومې دوام کوي، د افغانستان ۲۵ لوبغاړي ګډون لري.